笑看風雲第四十集｜天網恢恢 佛口蛇心的惡人終有其惡報

【笑看風雲第四十集】大結局 丁進與朗清等惡人終有惡報？

包文虎(古巨基)偶然發現燒焦嘅攝錄機內有一盒完整無缺嘅錄影帶，入面有文龍(鄭伊健)與貞烈(陳松伶)嘅生活片段，文龍重播時發現末段錄低咗當晚包家失火嘅情況，可惜只能夠睇到兇手嘅下半身。

黃茵(簡佩筠)從錄影帶中認出潘朗清(郭晉安)嘅手錶，又無意間發現廁所內有幾顆藥丸，證實潘仲(朱江)嘅藥被人偷龍轉鳳，更喺家中煙灰缸發現一張被燒毀嘅汽車超速告票嘅殘餘一角，於是搵黃蕾(郭藹明)幫忙調查。文龍一一細查，事件逐漸清晰，怒火中燒，前往打朗清一身；文龍又與黃天(鄭少秋)商討如何搜集朗清虧空公款嘅罪證，佈下圈套。

朗清知道事敗，向丁進(江毅)借一千萬逃走，但被拒絕，於是轉向丁民輝(王啟德)埋手；借佢過橋，向中天集團騙取一千萬，文龍終於得到朗清做假賬嘅資料，並想將丁進等一夥人一網打。

丁進為免除後患，派馬成(劉江)安排殺朗清滅口，想將一切罪行推到朗清身上，朗清最終被捕。

黃蕾知道文龍心中仍然未忘貞烈，隻身飛往加拿大…笑看風雲｜翡翠台