/public/tvbcom/article/images/202503/3ffc64da-90df-479e-a234-f8f4072047c3.jpg)
故事底蘊愈揭愈多的《痞子無間道》，昨晚一集講到潔姨（車婉婉飾）因為誤傷高勳（陳榮峻飾）令其昏迷，為表歉意，遂擔起照顧高勳年幼女兒高強重任。昨晚潔姨目睹年幼高強餵昏迷高勳吃粥一幕，由於高強餵極都餵唔到論論盡盡，場口煞是淒涼。不過由於飾演年幼版高強的大眼妹童星實在太可愛，除咗個樣連把聲都好鬼萌，自然吸引網民關注，網民更笑言這個幼年版高強與大人版高強神撞樣。
原來這名可愛大眼妹名叫鍾子妮，至於今次被相中演童年版高強，全因短髮樣子與JW有點相似，監製Andy笑言：「因為JW劇入面係短頭髮，所以佢嘅童年都想針對搵番短髮，所以當時casting就已經對佢留下比較深刻嘅印象。加上佢自我介紹嗰條短片有種羞澀，我覺得會同高強第一次見潔姨嗰場戲好啱Feel，所以最後揀咗佢。」
+3
