璀璨之城｜陳瀅大膽除衫「近乎全裸」 狂操9個月展現完美身段 自爆除褲險走光嚇窒攝影師

其後孝賢找霍佩樺Sarah（陳瀅飾）私下對話，孝賢先試探對方「你認為自己係唔係Annie最信任嘅人？佢有冇留低啲乜嘢畀你呀？」

Sarah主動出擊挑逗孝賢說：「我覺得我哋可以合作，Annie做到嘅嘢，我都做到。」向來疑心極重的孝賢雖然覺對方有趣，惟需觀察對方，「我哋只係識咗5分鐘，點解我要信你呀？」

Sarah對孝賢步步進逼，「你需要嘅係冇感情瓜葛，純粹利益交易嘅partner 。」

另一場，Sarah與孝賢在Annie家中見面，Sarah交出Annie的手機，更向他明言自己很太貪，望與對方長期合作。她為了證明自己夠狠且絕對保密，竟然即場寬衣解帶，露出黑色性感內衣，甚至進一步脫得一絲不掛展現白滑美背揚言：「我講過Annie做到嘅嘢，我都做到，同埋你都見到我唔會錄你音。」養眼度爆燈！

這幕出街後，隨即引起網民洗版式討論中讚陳瀅身材弗到爆，更練出完美「蜜桃臀」吸睛十足，紛紛留言「呢場真係睇到嘩一聲」、「陳瀅今次去到好盡，呢個角色一定唔簡單」、「阿瀅身材勁Fit呀！」。

談到這幕引起極大迴響的大膽除衫戲，陳瀅接受tvb.com獨家訪問透露當監製陳維冠Joe與其傾劇本時已十分喜歡這個故事，收到劇本看到這場戲更馬上傳短訊給對方，「初頭佢話放心好簡單，一個back shot 上半身除衫露個背就得。但我覺得呢場戲可以拍得更深入同大膽，出嚟效果會更好。」

她認為這場戲並非單純賣弄性感，而是展現 Sarah 的極大犧牲與深層故事，絕對值得拍得更 Iconic。

首次拍攝如此大膽的戲份，她坦言難免緊張，更爆出拍攝時的驚險趣事：「嗰個Shot係影我要除褲，我記得拍第一個take太緊張，因為條底褲黐住條褲，差啲一嘢除晒 ，嚇到Camman哥哥勁驚，叫我慢慢嚟。」她又感謝劇組的保護與張智霖給予的信心，讓她能安心完成拍攝。