璀璨之城｜張曦雯狠招設局嫁禍高海寧 一集換足6個名媛Look 親爆落足心機打造「少奶感」

講到因應景虹（陳煒飾）公開支持孝賢（張智霖飾），孝君（吳卓羲飾）為扭轉局勢，借志琛（姜大衛飾）之手，將十月初五街活化計劃設為戰場，由海允與雪瑩爭奪街坊授權書，支持另一半的活化計劃，勝者將獲志琛關鍵一票，惟孝賢、孝君不能插手干預。

Alice和Kate重返十月初五街各出奇謀拉攏街坊支持，Kate的父親威叔（陳榮峻飾）為街坊會會長，其他街坊一直看其意願，惟威叔卻企硬拒絕簽名。Kate先出招借意叫Alice幫她勸服其父親簽授權書，其後竟狠心設局更令父親受傷入院，並順水推舟將責任嫁禍給 Alice，藉此博取街坊同情並勸服母親代簽授權書。

Kate 更向街坊公開抹黑Alice：「我爸一好番就好後悔信錯人，所以就簽咗呢份授權書，我希望大家唔好等到自己瞓喺病床，先作出正確的決定。」不過她棋差一着，Alice亦非省油的燈，早已暗中安排許立風（孔德賢飾）收集授權書。兩人互相拆局，各用手段鬥出火花，緊湊劇情令網民大呼過癮：「未到最後一分鐘都唔知邊個會贏！」

除了劇情緊湊，張曦雯今集的造型亦是一大亮點。她一集內換足6套服裝，無論是小露性感的露肩裝、大騷招牌長腿的短裙，還是充滿氣質的斯文長裙，每一個造型都散發著濃厚的名媛氣質。

張曦雯Kelly接受tvb.com獨家訪問透露在角色形象上花盡心思，甚至自備了30件私伙靚衫及首飾上陣：「今次特別駁咗黑色長頭髮，以前嘅角色都未試過。妝容亦特登化得亮麗啲，因為我想呈現出佢喺二少身邊係一個好靚同完美嘅老婆，同時亦為後期嘅妝感轉變營造對比。」

她自言今次的服裝好女性化，「主要以粉彩色為主，加入好多蝴蝶結同喱士元素。其實可能Kate唔係鍾意呢啲衫，但佢必須要營造出呢個完美形象，豪門少奶企喺老公身邊，就係要有呢種感覺。」