璀璨之城｜張曦雯吳卓羲5分鐘神級對戲 極致深情感動觀眾 淚之告白完美演繹愛與痛的邊緣

講到，孝君與洪海允Alice（高海寧飾）發生關係後，竟遭官孝賢（張智霖飾）陷害指控強姦，並藉此要脅他退出LKS董事候選資格。Kate 得知真相後，不僅遭孝賢當面冷血羞辱，更因極度憤怒孝君的所作所為，一氣之下駕車撞倒Alice。

Kate隨後相約孝君在天橋見面，面對老公的不解，她說：「我嫁咗畀你咁耐，我都係做衰嘢嗰個，連你都覺得我無藥可救。我明你點解嬲我、明你點解要同我離婚，但其實你有無喺我角度出發過？」

Kate情緒湧現、眼眨淚光直言：「我一日係你老婆，我有啲嘢唔可以唔做！」再激動落淚：「我認我真係好憎 Alice，但我撞佢係因為佢要脅你，我冇其它方法呀！喺老公同曾經最好嘅朋友之間，我一定揀你。我咩都可以畀晒你，我連我嘅人生都可以攞出嚟賭去成全你。呢個係唯一可以保護到你嘅方法。」她自言願意為對方犧牲，「為咗保住你嘅地位，我可以為你做任何嘢。」

Kate更坦言對孝君的愛與身份地位無關：「我剩係想我老公無事，就算你要離開我，我都要用我最後嘅方法保護埋你最後一次。」聽到老婆為自己賭上人生的感人告白，孝君心痛又慚愧，眼紅紅地流下懊悔淚水並勸道：「我知你所有嘢都係為我好，但係我過唔到我自己，不如你去自首，我陪你一齊承擔你做過嘅所有事，陪你一齊去面對好唔好？」

Kate 最終痛哭道出最深沉的絕望：「我一早就知道個答案，我太清楚你，但我都有一絲奢望，好想你會同我講唔畀我有事。」

這場長達近5分鐘的情深對戲令人大為動容，張曦雯將角色為了深愛之人甘願背負罪名、甚至犧牲自我的極致深情表露無遺；而吳卓羲將愧疚、痛心之情演得絲絲入扣，兩人互相飆戲，令場口極為精彩。

一班觀眾紛紛留言大讚睇到眼濕濕，「呢場Kelly做得好好，今年一定係視后大熱」、「太感動喇！」、「卓羲嗰個心痛落淚做得好好」、「佢兩個真係好襯呀！」。