璀璨之城｜張智霖吳卓羲相生相殺巔峰鬥戲 細膩情感真摯詮釋 兄弟情感動萬千觀眾

孝賢相約細佬官孝君（吳卓羲飾）在大三巴見面。孝君坦言自己從未視對方為競爭對手：「阿哥，你知唔知道，細個好彩有你喺我身邊，如果唔係我童年唔知點過？」、「其實最了解我嗰個係你，最了解你嗰個係我。」孝賢感同身受感嘆：「因為我哋都係活喺地獄裏面嘅人。」

當孝君勸孝賢自首時，孝賢威脅指會拖其下水，豈料孝君早已將罪證交予警方交由法庭判決。孝賢剖白心底話：「細佬你覺唔覺得好奇怪，我哋明明係一齊大，但唔知幾時開始我哋變咗兩個世界嘅人，我哋一齊經歷咗咁多嘢，點解我哋嘅價值觀會咁唔一樣？」孝君則提出殘酷現實：「我喺阿爸身上睇到咩係應該做、咩係唔應該做，而你就係徹徹底底變咗第二個阿爸！」孝賢聞言苦笑：「我冇佢咁恐怖呀？」

一直重兄弟情的孝君講到雙眼通紅，向孝賢承諾：「哥，坐完出嚟，我哋一齊再玩過！」二人緊握雙手，孝賢淡淡回應一句：「唔玩喇！都唔好玩嘅」便瀟灑轉身離開，畫面極具感染力。