璀璨之城｜姜大衛怒吼張智霖吳卓羲！三父子近兩分鐘火爆飆戲 網民讚：高手過招超有火

講到秉麟（李成昌飾）對官家積怨已久，推出「金鑽會員制」以抗衡LKS集團的星級制度。面對危機，孝賢與孝君聯手，借助妹夫湯俊宇（周志康飾）的兄長湯信義（蔡一智飾）出面，向秉麟施壓；豈料信義因藏毒被捕，使計劃告吹。孝賢改變策略，成功分化秉麟的勢力，逼使他公開表態支持星級制度。

城府甚深的孝賢，當然不會一心幫孝君，暗地裏佈局削弱孝君的影響力。當孝賢與孝君各自出招望入到LKS的董事局之際，LKS的梁總監（何啟南飾）突然宣布委任官志琛為新首席區域總監，令孝賢和孝君當場震驚，孝賢更怒極失控掃翻枱上物件。

官志琛看到孝賢身體不適，不但沒有關心他，只冷諷他「身體咁虛弱，點樣擔當重任呀？」孝賢亦毫不客氣反擊暗串父親的控制欲，「有你喺度，事無大小你都控制晒，有咩重任要擔當？」連向來較沉得住氣的孝君也按捺不住怒火開砲，「首席區域總監個位你唔係畀我坐嘅咩？點解突然間換咗係你做？」

面對兒子的連番質問，志琛霸氣十足反指兩位兒子無能搞到梁總監不滿，並表示「我咁做都係為咗幫你哋補鑊」。

孝賢聽見父親的藉口，表現反感：「你部署咗幾耐呀？原來入LKS係有捷徑，點解你事先唔話畀我哋知呀？」孝君再幫口說：「起碼喺呢件事上有清晰講法」志琛大聲連環還擊「我好多操作都係暗中進行，係咪每件事都要同你哋交代呀？」、「乜清晰講法呀？」、「夠喇！同我收聲！」、「你哋依家乜態度呀？質疑我？」

志琛更理直氣壯說：「我坐呢個位都係為咗官家，為咗大家嘅利益，我有錯咩！」當志琛拂袖離去時，孝賢站起身反擊：「我哋收聲唔代表我哋服你㗎」孝君則直指父親野心：「你根本係想坐LKS董事個位」志琛更以一句極具野心的冷笑絕殺全場，「唔係我坐，唔通你哋坐呀！你哋憑乜嘢呀？呢個位只有我最有資格坐！」孝賢與孝君用滿含恨意與不服的眼神，表達對父親的不滿。

這場近兩分鐘場口姜大衛與張智霖和吳卓羲互相角力，三人大鬥演技火花四濺，場口極之精彩。而且，John哥的精湛演技將對權力的野心展現得淋漓盡致，難怪令不少觀眾拍案叫絕，更留言「三父子鬥戲好好睇」、「呢啲真係高手過招」、「呢場好正，好有火呀！」