璀璨之城｜吳卓羲搣甩衝動冷靜化危機 「亦正亦邪」氣場全開 揭張智霖神助攻鬥戲

劇情講到，孝賢（張智霖飾）、孝君（吳卓羲飾）為了拉攏持有關鍵票的副主席姚景虹（陳煒飾）各自出盡法寶。孝君出招協助其子Jason（邵展鵬飾）研發AI程式參賽，惟期間意外爆出抄襲風波，幸孝君迅速應變將事件壓下。另邊廂，城府極深的孝賢則藉記者霍佩樺（陳瀅飾）向景虹施壓，暗示會公開AI抄襲事件。

景虹向孝君興師問罪，孝君從容不迫提出解決方案，並霸總上身豪言：「我係下屆做主席嘅最佳人選，能夠處理任何危機，包括呢一次！」最後更果斷安排名人假裝自殺沖淡爆料新聞，以「4招」神化解危機，展現其臨危不亂的手段。

吳卓羲今次搣甩衝動形象，劇中展現出處變不驚的氣場，亦正亦邪的角色設定，叫人睇得過癮。吳卓羲接受tvb.com獨家訪問，提到與張智霖《衝上雲霄II》後相隔13年再度合作，他笑言自己由小朋友變大人，現在與張智霖可以傾到偈，他說：「拍《衝上雲霄II》嗰陣其實連聯絡方式都冇，係之後合作綜藝節目先認識多咗，我同Chilam有時會為咗個舞台一齊諗一啲嘢，變相到咗拍《璀璨之城》，大家會好清楚對方會畀啲咩、有乜反應，默契亦係咁嚟，再同佢合作，我覺得係一件好開心嘅事情！」

兩人劇中針鋒相對，性格大不同，Ron透露與張智霖私下會揣摩角色性格，令兄弟之間的鬥法更精彩，他說：「其實我亦正亦邪，Chilam幫咗我好多，幫我諗細佬嘅角色點樣同佢有個鮮明嘅對比，咁先好睇，如果兩個人性格一樣，角色上冇矛盾點，咁就唔好睇！」Ron更盛讚Chilam是一個很好的前輩，他說：「佢係一個好有心思、好有諗法同埋創造力嘅一個人，喺佢身上我學習到好多嘢」。