玫瑰戰爭｜陳楨怡化身「最強小三」施電眼攻勢3招挑逗陳展鵬 親爆初時拿捏角色感疑惑

劇情講到，身為雜誌總編的楊素希藉為家俊拍攝雜誌封面入手。拍攝中途，Mandy突然叫停，在家俊投來好奇的目光下，Mandy輕輕挑眉 ，再抬起纖纖玉手繞至家俊頸後，貼心為對方整理衣領。二人超近距離對視，瞬間爆發出強烈的化學反應。

最終，家俊被迷得神魂顛倒，與他的「夢中情人」發生關係。而Mandy亦趁其不備偷拍下二人的親密照，保存家俊出軌的鐵證。陳楨怡成功演活第三者的機心與計算，人前人後兩副面孔，深不可測。

陳楨怡接受tvb.com獨家訪問時透露，首次挑戰機心小三角色有難度：「我覺得對楊素希嚟講所有嘅肢體動作同眼神都特別緊要，因為佢每個動作同眼神都帶有目的。」

她指初時拿捏角色感疑惑，幸得展鵬貼心指導，助其慢慢入戲：「我覺得同展鵬合作好開心，學到好多嘢，因為佢真係好願意去教人。每一場戲拍之前，佢都會畀意見我，話我知點樣出嚟嘅效果會更加好，所以即使比較親密嘅動作都完全冇尷尬，我都愈做愈知道點演繹」。

原來二人在鏡頭前如此有火花，全靠雙方不斷排練至最自然的狀態，陳楨怡表示：「事前排咗好多次，去到最自然、舒服嘅狀態先拍，所以拍嘅時候就會好smooth」。

身高171cm、擁有43吋逆天長腿的楨怡，在劇中的多套造型亦完美凸顯其超模比例，令觀眾眼前一亮。她坦言試了多個造型：「我好鍾意今次嘅造型，冇話特登著到好華麗，但穿搭得好有型，有自己嘅個人風格。」