玫瑰戰爭|鄺潔楹為還債做援交 眼神迷離狀態獲讚演技突破 親認角色有挑戰性:同我完全冇相似嘅位

點讚

分享

 

講述無雙(楊茜堯飾)發現安安欠債纍纍兼下海做援交,遂暗中指使丁丁偷拍安安的接客過程,鏡頭更拍下她一副 High 爆神態與陌生男士親熱的畫面。其後,鳳儀(姚子羚飾)趕到安安家中叫醒她,並騷出該段援交偷拍片段;安安見狀瞬間由睡眼惺忪變得驚訝、惶恐兼心亂如麻的狀態,激動大呼:「我唔知呀!我唔知得罪咗邊個呀!」

事後安安雖然答謝無雙出手幫忙壓下片段、避免流出,但她卻依然不知悔改說:「最衰都係偷拍我嗰個人,鬼唔望佢死!」即使遭無雙當面斥責思維扭曲,指出她被天誠解僱全因自己進行不道德交易,惟安安仍死撐這是個人私隱,毫無悔意。

今集 Judy的演出相當搶眼,無論是劇中服食毒品後與男士親熱時眼神迷離、恍惚失焦的迷失狀態,抑或是得知被偷拍後的驚慌情緒轉換,均拿捏得相當到位,獲得大批網民激讚演技大躍進,紛紛留言力撐:「Judy 做得幾好喎!」、「佢做得嚟又唔會乞人憎」、「演技進步咗好多,好期待佢之後嘅發展!」

談到林安安這個破格角色,鄺潔楹接受 tvb.com 獨家訪問時坦言最有挑戰性的一次,「因為以往我演嘅一啲角色,我都會搵到一兩個同個角色相似嘅地方,但今次林安安呢個角色,我好多時候都唔理解佢嘅決定,同我完全冇相似嘅位。」

Judy 自言現實中的自己十分文靜,並不像林安安多嘴衝動:「平時同前輩合作,我會靜靜地學下人點做戲,亦唔會係爭住去講嘢嘅人。同埋安安講嘢唔係好經大腦,成日衝口而出,但我本身係諗清諗楚先講嘢嘅一個人,所以真係好唔同。」

至於今集的親熱場口,Judy直言拍攝前大感緊張,「因為個緊張係除咗要應付呢個親熱場面之餘,嗰場戲係講安安去接客之前,其實佢係有 take 咗嘢先至去接客,所以要同時演繹嗰個狀態真係好有難度。」她表示今次花足心機鑽研角色,希望觀眾能看到不一樣的鄺潔楹,並覺得她的表現合格。

 
 
登入

本服務使用 Cookies

本服務採用 Cookies 以保持其可靠性,促致個人化內容和廣告。 請按「同意」代表閣下同意我們的 Cookies 政策 以及 個人資料收集聲明 。