玫瑰戰爭｜楊茜堯林夏薇「戲中戲」互飆眼神殺 針鋒相對張力十足 薇薇激動連青筋都出埋

講到無雙與綺雲在《玫瑰》的試戲場上全情投入，表面演繹劇本對白，實則字字句句暗藏機鋒。

面對無雙的步步進逼，綺雲激動質問：「依家喺你眼入面見到嘅只有證據同懷疑，點解你睇唔到我哋咁多年姊妹嘅感情呀？」說罷更眼眶通紅、眼泛淚光地控訴：「你一早就認定咗我係兇手，你呢個檢控官未審先判。」

無雙卻毫不動搖，眼神堅定且凌厲地反駁：「做錯事就要承擔後果，我一定會搵到證據！」隨即狠狠怒視對方說：「好快，你就會企喺犯人欄入面，我會一字一句讀出你嘅罪狀，為我哋嘅好朋友討回公道！」

綺雲表現愈來愈激動微微深呼吸，咆哮澄清：「我冇殺蘇曉玲，我冇呀！你要我講幾多次先信呀！你根本係想逼死我！」其後，二人單靠眼神交鋒，壓迫感十足。