熱播中的《玫瑰戰爭》,今晚(18日)一集無雙(楊茜堯飾)與德龍(馬國明飾)為了寶兒(陳星妤飾)偷偷留港一事激烈爭吵,二人再度針鋒相對;加上寶兒當場落淚望無雙給予一年時間追夢發展演藝事業,令觀眾看得相當投入!
延伸閱讀:玫瑰戰爭|姚子羚被教訓受盡屈辱 親揭為效果真撼落牆超敬業 首度合作楊茜堯鬥「有骨」演技
![]()
今晚劇情講述無雙得悉寶兒依然留在香港後,隨即氣沖沖趕到德龍家中算帳。她一見到寶兒便忍不住連環質問:「點解喺香港唔去醫院睇吓我?你知唔知我出事呀?你唔擔心我呢個阿姨嘅咩?你唔緊張我㗎?你有無良心㗎?」隨後見到德龍現身,無雙更是怒火中燒,當場狠罵對方「你呢條賤龍」,更直斥:「寶兒做得你個女,你咁都落到手!」
面對無雙的連番指控,德龍急欲解釋自己與寶兒之間並無男女之情,惟無雙依然怒火攻心,完全聽不入耳。二人你一言我一語互不相讓,連德龍亦被激到發火反擊:「我終於明白你係冇變過,我每日叫寶兒同你解釋,我明點解佢唔想同你講嘢喇!」寶兒眼見兩人為自己爭執不休,不禁激動落淚說:「我留喺呢度係因為我真係好鍾意做戲,不如你畀一年時間我,如果我咩都做唔出,我跟你返英國。你畀我自己做決定,會仆會跌我都唔會後悔㗎!」
聽到寶兒的真情流露,原本怒氣沖沖的無雙瞬間眼紅紅望着淚流滿面的寶兒,一臉心痛;當寶兒上前緊緊攬着她時,無雙眼眶泛淚,回想起昔日答應故友子盈會好好照顧其女兒的承諾,淚水隨即緩緩滑落,場面感人。
楊茜堯在短短一幕完美展現出極致的情緒層次,面對馬國明和陳星妤,從眼神到微表情的變化都絲絲入扣,細膩演技盡顯視后功架。難怪場口播出後即獲觀眾洗版大讚「冇得頂」,紛紛留言激讚:「茜堯啲演技真係好出色」、「呢場睇到我眼濕濕」、「茜堯每個細節都係有戲」。
馬明早前接受tvb.com獨家訪問對茜堯的淚功讚不絕口,重提昔日合作經典場面:「我記得以前拍《On Call》有場求婚戲,當我講完一段感動嘅對白,佢一攬埋嚟滴淚就即刻落,佢不嬲都係咁準,依家依然保持水準。」
除了大讚拍檔茜堯,馬明亦對同場的後輩陳星妤讚賞有加。他坦言星妤雖然資歷較新,但勝在很有自己的想法,因此拍攝期間他與茜堯亦不時在旁提點對方:「佢真係好新,我同茜堯真係要幫佢。不過好多新人只係死記對白,冇咩點諗其他嘢。但星妤就有好多諗法,哪怕係錯,但起碼你有個諗法呢個動機係啱,絕對係好事,呢點我好欣賞,唔係只係帶住張白紙嚟開工。所以當星妤排戲嘅時候會做畀我哋睇,我同茜堯會幫佢再篩選,亦會話番畀佢聽點解呢啲係諗錯咗。」
他更睇好星妤讚其有潛質:「我覺得佢外形幾好,只要佢磨練演技,應該會愈嚟愈多機會。」
馬明亦憶述當年自己作為新人時,同樣獲得不少前輩無私提攜,因此鼓勵新人放膽問和嘗試:「只要我哋感覺到你係有心學,我哋一定會幫你,所以對住我哋呢啲有啲年資嘅演員真係唔使驚。」
