:quality(80)/public/tvbcom/article/images/202611/33a54897-5f4a-42fc-8ce3-cb5e27be5d23.jpg)
《玫瑰戰爭》今日（9日）在翡翠台播映，夏無雙（楊茜堯飾）在得知好友關子盈（陳自瑤飾）昔日被陷害的悲慘遭遇後，展現出神級撕心裂肺的喊功與層次極豐富的內心戲，獲觀眾大讚演技「冇得輸」！
延伸閱讀：玫瑰戰爭｜陳豪楊茜堯相隔17年世紀合體 零陌生感默契依舊 大爆對方一點有改變：合作更加順暢
:quality(80)/public/tvbcom/article/images/202611/2155eb07-7183-4d15-98de-bed7b8f48196.png)
講到無雙意外獲得子盈（陳自瑤飾）的日記，原來她一直被身邊的「好姊妹」黎綺雲(林夏薇飾)、藍鳳儀(姚子羚飾)、梁菲雅(傅嘉莉飾)、林安安(鄺潔楹飾)背叛與加害。子盈在日記中絕望寫道：「呢啲發生喺我身上嘅不幸，全部都唔係意外，係被人精心設計同安排。」無雙得知真相後內心無比悲痛與震驚，眼淚瞬間如泉湧下，決心要為好友討回公道。
另一幕，無雙在網上翻看該四名「姐妹」的社交平台，回想起她們過往如何暗中加害子盈，心中痛恨之情爆發。無雙憑精湛的演技，情緒慢慢遞進，從眼眶泛淚遞進至痛心疾首的落淚，咬牙切齒說道：「黎綺雲、藍鳳儀、梁菲雅、林安安往我哋情同姊妹，子盈成日同我哋講你哋對佢有幾咁好，估唔到你哋笑口盈盈嘅背後，都向子盈捅一刀！」
+4
這兩場戲足見楊茜堯的深厚演技功架，單憑眼神的細微轉化已將對至親姐妹被出賣的痛恨展現得淋漓盡致，極具感染力的喊功完美呈現了內心層次，令觀眾看得肉緊，紛紛留言：「茜堯啲戲真係冇得輸！」、「茜堯變成復仇女王」、「內心戲太勁，好期待佢點樣一步步復仇！」
對於有網民覺得題材與《黑色月光》相似，楊茜堯接受tvb.com獨家訪問說：「可能大家會覺得係《黑色月光》2.0，但其實完全唔同，因為兩套戲嘅復仇目標都唔一樣。《黑》係沉浸喺自己嘅個人世界裏面去為屋企人復仇，但今次夏無雙係為好姊妹去討回公道，由一開始唔知道發生咩事，到慢慢揭開愈嚟愈多真相，先會一步一步去策劃呢個復仇嘅計劃，所以裏面係有好多驚喜。」
