/public/tvbcom/article/images/202408/ac0d6c65-5468-4e61-8860-371f72c32441.png)
《法證先鋒VI：倖存者的救贖》（下簡稱《法證先鋒6》）昨晚（19日）一集播出的單元個案，主角是吳兆麟Alan飾演的富二代周公子Jeffery，及郭千瑜Mina飾演的拜金女楊慧冰。一心飛上枝頭的阿冰，與好姊妹凌詩蕙（趙璧渝飾）結伴到夜店時，成功如願埋到周公子身，豈料卻是惡夢開始，慘被Jefferey迷姦兼性虐之餘，更成為殺死Jeffery的嫌疑犯…
劇透懶人包： 法證先鋒6倖存者的救贖劇情｜法證先鋒6劇情全24集懶人包！偵破離奇案 黃宗澤/袁偉豪/蔡潔/蔣祖曼
兩位演員為了演好相關單元，分別作出了不同程度的犧牲。Alan昨晚鏡頭雖然不算多，但每逢出場均震撼眼球，除了獸性大發的變態樣令人留下深刻印象，以近乎全裸的狀態伏屍酒店床亦是相當搶焦。Alan受訪時透露角色是獲臨時拉夫，由接到通知到試妝到正式拍攝前後不足一天時間，並謂為了配合拍攝，足足在床上「攤屍」近四小時，更差點險些睡著：「收到劇本好開心，因為覺得好有發揮，係我人生中第一次全裸拍攝，我唔介意赤裸，因為我鍾意為藝術犧牲，哈哈。」
+2
Alan續指做足打底功夫，更有專人即場幫忙「整理」：「我有著肉色打底褲，但嗰條褲係三角叉同埋好薄嘅，每次拍攝前都要將私處塞入去然後夾實佢，咁鏡頭上先唔會穿崩。拍攝時其實我好舒服，因為成隊crew都係男仔，同埋導演所有人都好照顧我，我都任由佢哋幫我整理防走光。」觀乎拍攝花絮，趙璧渝在拍攝期間一度被近乎全裸的Alan嚇窒，Alan聞言留言：「係！因為佢冇諗過我除晒衫，佢嚇咗一大跳。但我因為都攤咗成三、四個鐘，慣咗啲人出出入入，所以我就好似若無其事咁。佢（趙璧渝）都有話我：『你咁自然嘅？』」
