死有對証｜黃嘉雯首挑動作戲親箍陳曉華邵卓堯 神級變臉嚇窒觀眾：入咗戲一段時間

上集阮濤（邵展鵬飾）承認殺害姑丈姑媽，正當大家以為兇手順利落網之際，迎來驚人大反轉！法醫芷昕（陳曉華飾）探望碧鳳（黃嘉雯飾）欲安慰對方，卻驚覺碧鳳毒害老闆娘的關鍵證物。芷昕正想全身而退，卻被碧鳳發現，隨即遭碧鳳箍頸「絞殺」，幸得警員高俊（馬貫東飾）等人及時趕至救援，場面極其兇險。

除了襲擊芷昕外，另一場重頭戲則是碧鳳手刃人渣姑丈！她先是從後襲擊，並以後背支撐起對方令其雙腳離地，由於男女力量懸殊，對方掙脫後，碧鳳隨即快步上前用膝頭哥借力，死死收緊繩索直到對方斷氣。

黃嘉雯（Carmaney）接受tvb.con獨家訪問時，坦言今次是她入行以來最具挑戰性的角色：「首次挑戰動作戲，最難嘅係你唔可以整親對方，但自己又要表現到嗰種力度！」加上要讓觀眾信服一個嬌小女仔能親手「絞殺」力量懸殊的男子，確實是一大考驗。她亦非常感謝邵卓堯的鼓勵：「好彩姑丈叫我唔使驚，唔使就力，所以都算好快完成，同埋個效果我自己都好滿意」。

為了完美呈現角色的深層心理與殺人動機，Carmaney在開拍前亦下足苦功：「我有出去搵老師上堂學戲，同埋會同老師討論點解呢個角色會有殺人動機，所以拍呢套劇嘅時候，真係好似入咗呢個角色一段時間！」