死有對証｜馬貫東自爆被陳曉華激到忟讚女方轉數快記憶力驚人：佢個腦真係好似一部電腦

點讚

撰文：柔娛絲

發佈日期：2026-09-15 13:30

熱播中的《死有對証》，飾演熱血衝動警察高俊的馬貫東，與患有強迫症的法醫芷昕陳曉華（Hera）這對歡喜冤家，互動爆笑十足，深受網民關注！

今晚（14日）播出一集，高俊隨隊追捕惡霸「暴龍」，二人在後巷展開驚險打鬥後，暴龍竟離奇死於後巷，高俊慘被列為嫌疑人兼勒令停職。

林琛（韋家雄飾）將暴龍的解剖工作交給芷昕負責，高俊為打探案件發展，請芷昕吃飯，當他見到對方將食物分開，「程醫生，你食嘢都好有儀式感，咁樣食嘢好食啲咩？」芷昕冷笑回應。

當高俊想打聽有關案件的細節，芷昕表示「你用咩身份問我？」高俊即指「警察囉！警察同法醫係好朋友」芷昕則窒他笑言：「你畀人停咗職，你仲當自己係警察呀？」其後高俊提出帶她到後巷重組案情，芷昕即說：「唔使啦！我又唔知你講嘢係咪真，我又唔可以當真，咩事我都唔可以當真嘅話，咁我去嚟做乜咁嘥時間。」

最後高俊指由他埋單，芷昕即時拒絕表示：「高先生，我哋公職人員有規定請朋友食飯唔可以超過 5百蚊，何況我同你係啱啱新認識嘅朋友。」令高俊當場口啞啞，相當搞笑。

對於不少網民指他與Hera甚有火花，馬貫東接受tvb.com獨家訪問直言雖與對方首次合作，惟很快便磨合擦火花，並大讚她記憶力驚人，「佢個腦真係好似一部電腦，記性好到驚人，反應又快，對住我同家雄呢兩個不按理出牌嘅演員，佢完全接得到，令到成個場面出嚟嘅感覺更加真實同自然。」

劇中不時要與Hera鬥嘴，他笑言被其激到「好嬲」：「因為佢個角色係刀槍不入，有時真係畀佢激到好忟但好好笑。」

另外，阿東指在劇裏有大量追逐場口，全部都是真跑，「呢段時間跑過嘅路，仲多過我過去兩年加埋嘅跑步量，簡直係一次過補返晒所有 Cardio。雖然過程跑得辛苦，但成個拍攝團隊嘅氣氛真係好歡樂，因為有家雄呢位『氣氛擔當』，片場簡直係笑聲不斷，就算拍到深夜大家都唔會眼瞓。」

主頁