死有對証｜陳曉華馬貫東終極甜蜜互動大結局粉紅泡泡滿瀉：唔需要咩都講到明

撰文：柔娛絲

發佈日期：2026-10-09 14:00

《死有對証》今晚（9日）大結局，高俊（馬貫東飾）與芷昕（陳曉華飾）的感情線亦迎來突破性發展。最後一幕的甜蜜互動，絕對會令觀眾睇到嘴角上揚，大讚「粉紅泡泡滿瀉」！

延伸閱讀：

講到佩嘉（吳若希飾）一案水落石出，芷昕平復心情重投工作，高俊向她透露即將調「環頭」，更趁機相約對方吃飯答謝對方。芷昕一口答應對方，當高俊轉身離開，行了幾步想前想後終於鼓起勇氣問：「程醫生今晚食好唔好呀？」

聽到這句，芷昕展露甜美笑容，並叫對方答應她一件事，「你可唔可以唔好再叫我做程醫生，叫我芷昕呀？」

高俊即笑得燦爛回應「好呀！芷昕」二人互相對視，畫面瞬間充滿粉紅泡泡，無需過多對白，關係已經不言而喻地邁進一大步。

這幕「點到即止」的感情戲，網民紛紛留言大讚隔着Mon都感受到甜蜜，「呢幕做得剛剛好」、「Hera同阿東呢條感情線好睇」、「當阿東叫芷昕已經覺得好Sweet」。

談到與陳曉華這場最後互動一幕，馬貫東接受tvb.com獨家訪問直言十分喜歡這場戲，全因帶出二人的情感變化，「兩個人都想跨出嗰一步，但又驚，唔敢亂嚟，隱隱約約帶點初戀嘅青澀。同埋喺大家嘅對話入面係藏住另一層意思，所以呢種唔需要講到明，反而係最令人心癢癢嘅感覺。」

主頁