死有對証｜王菲化身瑜伽女神展極致S曲線馬貫東自爆首度合作感陌生

點讚

撰文：柔娛絲

發佈日期：2026-09-14 13:30

熱播中的《死有對証》，今晚（14日）播出一集，王菲化身瑜伽女神，展現令人狂讚的弗爆身材，引起網民極大關注。

美寧（王菲飾）一登場即大晒軟骨功，做出不同瑜伽動作，展現弗爆身形兼超吸睛「蜜桃臀」，令在場的男學生看到「眼甘甘」，難怪令男友高俊（馬貫東飾）呷醋。

隨後兩人在餐廳食飯時遇上惡霸「暴龍」，對方竟公然調戲兼侮辱美寧：「靚女，佢最多包你一晚，我唔同，起碼包你一個月！」眼見女友受辱，高俊即時Man爆護花，怒氣衝天一把捉住對方衫領作出警告。

雖然王菲僅出現短短場口已引關注，大讚她的美好身段，又期待她與馬貫東的感情線。

早前王菲受訪時透露本身有做開瑜伽，為了拍攝更特意加操上堂，更表示「嗰時啲筋係鬆到近乎做到一字馬」，她更配合Gym增肌加強線條感，難怪出來效果Fit到漏油。

對於與王菲首合作的馬貫東，接受tvb.com獨家訪問坦言兩人拍攝前互不相識，「最初都好陌生，不過好快大家都進入咗狀態，第一次合作好有新鮮感。」他又指即使拍攝甜蜜戲也不會感尷尬，「有啲攬嘅動作，我哋喺排戲時都會溝通點樣做，到roll機嘅時候做番嗰個動作，大家都好專業唔會尷尬。」

主頁