死有對証｜李海銅首演屍體獲前輩傳授閉氣神技親揭陳曉華解剖台窩心舉動：我係素顏嘅狀態

點讚

撰文：柔娛絲

發佈日期：2026-09-19 02:55

熱播中的《死有對証》，日前一集再有新案件，小花李海銅甫出場竟然已變成一具浮屍，死狀極慘。

講到海上發現一具浮屍，重案組確認死者是女護士詩培（李海銅飾）。芷昕解剖後判斷死者因利器刺傷致死，其生前更懷有身孕。

其後芷昕的舊同事鎰康（周嘉全飾）到警署自首，承認因女方拒絕復合兼聲稱已墮胎，憤怒之下用鉸剪狠下毒手。

早前李海銅在社交網已預告角色慘死，更幽默自嘲：「我發現暫時我嘅所有角色，只要掂親男人，角色嘅死亡率係100%🌚 雖然大家已經見過我不同死法，但其實死有對証，係我3年前剛入行頭幾個月拍，計番時間，今次先係我第一次死。」

談到今次演浮屍，李海銅接受tvb.com獨家訪問透露幾乎是素顏上陣，全身要用顏料化白以求逼真，「化妝時間唔係好耐，但落妝就相對耐好多，我都要落好幾次，沖涼不停捽走。」加上她本身不懂游水，導演特意安排在極安全的淺水位讓她躺着，非常貼心。

她指此角色是剛在訓練班畢業後接拍，心情也有點緊張，「導演好好會話我知，拍到我去到身體邊個位畀抖氣位我，同埋之前有前輩教我，原來扮死屍唔係忍住唔呼吸，而係吸最大啖氣忍住再慢慢放出嚟，放晒先再忍住，咁樣會持久好多，所以我今次幾場戲都係用呢個方法。」

另外，提到她躺在冰冷的解剖台上，李海銅感激PA同事提醒她要帶定暖包，「佢哋都有準備暖包畀我貼背脊又用暖燈照住我，等我唔會凍親。Hera亦非常Sweet，一cut機佢即刻拎毛巾同毛墊蓋住我全身，一嚟怕我凍，二嚟我得肉色打底，佢怕我新人會尷尬，真係好照顧我。」

主頁