死有對証｜曹銦玲親身企7層樓高天台邊緣首吊威也拍足一個鐘難忘化特技妝瞓解剖台

點讚

撰文：柔娛絲

發佈日期：2026-09-25 13:30

熱播中的《死有對証》，日前一集講到碧芝（曹銦玲飾）墮樓身亡，淑嫻（王綺琴飾）走上天台調查，竟見披頭散髮的雪蕾（劉芷玲飾）。原來雪蕾約了碧芝見面，二人更發生爭執，雪蕾成墮樓案嫌疑人。芷昕（陳曉華飾）解剖後，確認碧芝死於墮樓，卻發現她的口腔和手上有異樣，有水果的味道。

其後高俊（馬貫東飾）在學校捉到周靜（樂珈嘉飾）拿走電子煙，她道出真相，指自己買了有芬太尼成分的電子煙給碧芝。案發當晚碧芝相約雪蕾見面，雪蕾強調自己並非「二五仔」沒有舉報她吃煙，碧芝不相信她，二人爭吵起來，碧芝竟摑了雪蕾一巴，大家更互相推撞。

雪蕾離開時，碧芝站上天台邊緣，一邊食含有芬太尼成分的電子煙一邊行，期間因藥力發作致神智不清向後墮樓身亡。

談到這場在七層樓高的天台戲，曹銦玲接受tvb.com獨家訪問透露這是她首吊威也親身上陣，「我本身冇畏高，都有玩跳樓機同過山車，但係今次企喺天台邊緣真係有啲緊張，不過武指拉到我好緊，所以都好安全。」

她指這場戲也有難度，「因為個天台邊好窄，行嘅位置唔係好多，我又要顧住表情做戲，同埋導演想我再放膽啲做到迷幻嘅感覺，所以拍咗幾個Take，來來回回成個鐘先拍完。」

另外，曹銦玲指瞓解剖台一幕也令其十分難忘，「第一次化特技妝，化妝師唔係剩係幫我搽白咁簡單又要化有瘀痕嘅傷，所以都化咗近個兩個鐘。」

主頁