死有對証｜張詩欣演活慘情抑鬱妻 絕望遺言生無可戀演繹獲讚 網民：原來係李莫仇

講到芷昕（陳曉華飾）於林琛（韋家雄飾）的指導下完成解剖工作，確認死者因同時服用抗凝血藥物及抗抑鬱藥，導致腦中風死亡，其後警方在耀慶的車上找到抗凝血藥物，指控他蓄意令死者誤服兩種藥物。及後芷昕找到新線索，揭發真相是蓉蓉生前長期被耀慶家暴，最終絕望服藥自殺，並刻意佈局嫁禍給老公。

蓉蓉父親看到女兒留下的最後遺言，片中她一副生無可戀的樣子，痛心說：「自從畀個衰人打到小產後，醫生話我唔可以再生，阿爸對唔住呀！我受夠喇！我真係好痛苦，唔想再留喺呢個世界上面。」

蓉蓉眼神流露出對丈夫極致的憎恨，「但我唔會就咁死益咗個衰人，佢一定會罪有應得㗎，一定會呀！」

雖然張詩欣出現的場口不多，惟短短幾句對白，將受盡屈辱、死都不放過對方的痛恨演得不俗。一班網民紛紛留言「佢咪就係李莫仇！冇戴眼鏡差啲唔認得佢」、「詩欣做得幾好，同李莫仇又好唔同」、「佢之前演癱瘓女騎師都做得好好。」