/public/tvbcom/article/images/202604/ed752dd5-9b1e-4007-817d-dec1628e1730.jpg)
《正義女神》連日來話題不斷，由黃可盈飾演的被父虐打少女「余樂貝」，因包庇父親而讓父親最終脫罪引發網民熱烈討論。劇中余樂貝長期受父親粗暴對待，卻選擇在法庭上給假口供，令惡父當庭釋放。
這一幕播出後隨即觸發網民不滿，紛紛留言直指這個結局太過無奈，更不解為何角色一而再再而三地去包庇施暴者。
延伸閱讀：
眼見網民反應強烈，黃可盈日前（3日）在社交平台分享拍攝花絮照，並親揭故事其實有「另一版本結局」：「呢兩日大家都係咁問我點解樂貝咁傻，其實本身個故事係有個完美結局㗎！」
黃可盈透露受限於劇集時數，原本的劇情發展更具反轉性：「之後有一日鄭官接手咗一單『非法禁錮少女案』，發現受害人係余樂貝！樂貝有個朋友為咗幫佢擺脫長期施暴嘅爸爸，自願認罪『禁錮』佢，等佢爸爸因為『販💊案』提供唔到不在場證明而入罪！樂貝最後為咗唔拉朋友落水，翻口供講返真相 — 佢朋友冇禁錮佢，爸爸都冇販💊(又釋放)不過喺鄭官同邵玲嘅幫助下，媽媽最後都報警啦！！」
雖然最終播出版本留下了遺憾，但黃可盈的演技仍然受到網民激讚：「演得好好，我都睇到心碎」、「原來後面咁精彩，咁樣我就放心喇」、「播出版本嘅ending真係好無助」、「可以還返樂貝一個公道」。
+5
