/public/tvbcom/article/images/202604/b7b628d6-e0ad-4441-ba5f-c10ef7572758.jpg)
《正義女神》今晚（20日）一集，顏仟汶演的「控制狂」母親演得入木三分，令人看得肉緊！顏仟汶為雅文阿Cat（陳若思飾）的母親，她對女兒管教嚴厲，不但不讓她與同學聊天，又不准她參與課外活動，只可留家溫習。
延伸閱讀：正義女神｜陳若思壓抑情緒崩潰失控！親爆入戲太深抑鬱搣損雙腳：用咗半年時間先走出嚟
:quality(80)/public/tvbcom/article/images/202604/1e07fb09-ed94-4d50-8577-c78c916640cf.png)
其中顏仟汶因雅文遲返屋企報警求助，兩母女為此嘈交，其中她更一度發狂拿着槌仔打爛女兒房間門鎖，樣子兇狠，大罵表示「你以為鎖咗門我就開唔到呀！」、「我聽日就搵人返嚟拆咗度門」。
另一幕是雅文被捕為殺貓兇手，顏仟汶上庭作供時自言「唔識教女」，不讓她參加任何的課外活動，更加不想她胡亂識人，全因想其努力讀書，「我咁做都只係想保護佢，上網打機只會阻住佢讀書，所以我沒收佢手機，每日放學我要佢天黑前就要返到屋企，如果嗰日我要加班的話，我要佢返到屋企用屋企電話同佢報到。」展現出控制女兒瘋狂的一面。
+5
顏仟汶今次飾演這個「控制狂」母親，獲不少網民讚她演得淋漓盡致，因婚姻失敗把情緒發泄到女兒身上，並要控制女兒的一舉一動，完美展現出那份窒息的愛，難怪網民也留言表示「演技太好了」、「我係囡囡都被你逼瘋」、「恐怖媽媽」。
另外，顏仟汶也在社交網分享此角感受，「演完《正義女神》Cat媽媽Sandy，心情久久未能平復💔睇返自己砸門砸鎖、強行管控啊女嘅戲份，內心真係五味雜陳。」
她望家長要適當時放手，大家要互相尊重，「其實拍攝嘅時候，我內心已經好唔認同呢種令人窒息嘅愛，仔女唔係父母嘅附屬品，更加唔係用來圓夢、滿足期望嘅工具。小朋友成長需要空間、需要尊重，唔好捉得太緊，多啲信任佢哋、少啲壓力同責備。用心栽培，識得放手，仔女先可以自在長大、向陽而生。」
