正義女神｜陳少邦再演反派 怒睥佘詩曼衰格樣乞人憎 私下暖爸形象反差大

原來家強改口供認罪是區卓鴻（陳少邦飾）所指導，當時卓鴻更恐嚇他若不認罪，被判的罪名更大。而且，卓鴻又威脅家強不要「亂講嘢」，在庭上與惠知對望時又不時露出一副得戚樣，表情極為衰格。

當惠知盤問卓鴻時毫不留情的質問「案發當日黃敏利都被警方邀請返去協助調查，當日係唔係你陪佢去警局？」、「你收取黃敏利嘅律師費，但代表被告人，呢個明顯已經有利益衝突，你同意嗎？」、「區卓鴻係呢單案件嘅關鍵證人，佢好明顯試圖影響被告人嘅證供，呢個係非常嚴重嘅行為」，面對惠知連番質問，卓鴻被問到口啞啞，更怒睥惠知，樣子勁乞人憎。

陳少邦多年來經常飾演反派角色，因有「「TVB御用奸人」之稱，加上其精湛演技，被觀眾指他做得入型入格。

他曾受訪表示享受做奸角，並開心得到大家認同，又指每次做奸角也自己再進步，令觀眾有不同感覺。

雖然戲裏陳少邦經常做惡人反派角色，現實中他是好老公好爸爸。陳少邦於2016年與澳門主播鄭加盈結婚，兩人於2021年誕下女兒陳妍菲，並不時在網上分享一家三口照，又有不少與囡囡溫馨互動的點滴，絕對是「寵女狂魔」。