正義女神｜樂珈嘉慘遭落藥拍不雅照 窒息式爆喊絕望癱軟 網民心碎：冇咗個靈魂咁！

其中一幕講述滿身鮮血的邱天雪在街頭被發現，送院後面對父母邱光正（譚耀文飾）與言官的詢問，她眼神空洞且聲線嘶啞，只能可憐地重覆：「我唔知，我想返屋企。」

當警方入房，要以謀殺罪名拘捕她時，邱天雪更是恐懼地死命捉緊媽媽的手不停哀號，像個受驚的小孩般尋求依賴，將內心的慌亂展露無遺。

在另外一個警局場口，面對父母為了案件真相而輪番追問：「張景翔有冇嘗試去攞返你把刀？」、「太空油係你自願食定係點？」、「有冇人畀你食過電子煙？」、「係咪攞起把刀拮張景翔？」等咄咄逼人的質問時，邱天雪顯得極度茫然，淚流滿面地「發脾氣」大喊：「我真係唔知呀！」

隨後，警方遞上被拍下的不雅照片，這也是讓邱天雪徹底崩潰的直接原因。當她親眼見到那些衣衫不整的照片時，即刻喊到幾近窒息並直撲入爸爸懷中，最後更全身癱軟跪倒在地，可憐遭遇令網民直呼揪心：「嗰種被冤枉嘅感覺真係好慘」、「其實遇到咁大件事，加上藥物作用，又真係可能咩都記唔返㗎」、「言官加油，快啲幫囡囡洗脫嫌疑！」、「冇咗個靈魂咁！」