正義女神｜施焯日法庭忍痛護姐眼神殺 內心戲演繹獲讚亮眼！親爆一事被佳導大罵

姚振銘在庭上透露自己精神出問題，情況愈來愈差，言惠知（佘詩曼飾）看出振銘有所隱瞞，因此不斷用激將法，「姚若花係一個品學兼優嘅醫科學生，所以你阿爸好偏心佢，相反你讀書唔叻，所以你阿爸唔鍚你。」、「你屋企所有資源都傾斜晒畀你家姐，就算連你個妹都要睇佢頭附和你係個廢人，所以你好嫉妒你家姐，因為你阿爸錫晒佢。你好憎佢哋，因為你如果殺晒佢哋嘅話，佢哋死晒，阿爸剩係錫你一個，所以你砍死佢哋，係咪？」、「你一刀一刀砍落去，見到佢哋求你、痛苦個樣，你覺得好痛快」。

姚振銘全程雙眼通紅，不斷搖頭表示惠知所說的並非事實，終更忍不着激動拍枱表示「你收聲，唔係呀」。

另一場，警方發現新線索，原來姚振銘丟的藥丸乃治療思覺失調，惠知望振銘道出真相。振銘雙眼通紅，講出真相，「其實家姐讀書好大壓力，佢唔敢同阿爸講，佢唔想阿爸失望。」眼見姐姐壓力甚大精神出問題，更砍傷妹妹，他無能為力痛哭表示「家姐一定好辛苦」。

施焯日在法庭的solo戲的內心情感表達，將人物的痛苦掙扎演得相當到位，特別其眼神由雙眼通紅至落淚痛心道出事實的真相，他依然從沒怪過家姐，只不忍對方那麼痛苦，姊弟情令人動容。其細膩演出獲不少觀眾大讚，留言「佢做得好好」、「佢叫咩名呀？」、「佢演到嗰種內心戲。」

施焯日接受tvb.com獨家訪問直認法庭場口對其挑戰大，「因為今次嘅演繹冇好多對白 ，要用眼神同肢體令觀眾明白，所以都花咗好多功夫去準備 ，我都睇咗好多少年犯犯案嘅心理狀態， 之後就不停幫自己做心理建設，令自己用三個星期嘅時間進入角色，希望大家可以感受到。」

他大爆在最初第一次演給總監製鍾澍佳時，表現不理想，「我畀佢鬧到狗血淋頭 ，因為可能個肢體同眼神仍然都係做得唔夠，所以就不停咁加強呢兩樣嘢 。」因此他指在拍攝前壓力超大，連續三星期的情緒也很壓抑，睡得很差。