正義女神｜文頌嫻催淚演出喪子之痛 親爆為角色做呢樣突顯憔悴感：短短幾場戲表達唔同喪子嘅痛

其後，蘇麗慈因喪子之痛，情緒不穩，在街上跪地捉着途人的兒子誤當成宇澤，邊流淚邊對天說「媽咪嚟遲咗」、「求下你畀番個仔，我乜嘢都應承你，我真係知錯」令人看得心痛。

另一場， 蘇麗慈聲嘶力竭對着電話炮哮，「言惠知我信錯咗你，係佢殺死我個仔，佢親口同我講㗎」完全將那份痛表露無遺。

這幾場戲文頌嫻演繹喪子之痛表現亮眼，她將那份絕望、消極和痛心的情緒演得十分到位，尤其是當她知道兒子死亡真相時，既悲痛又憤怒，那聲嘶力竭的哀慟，看得令人痛心，盡顯演技功力，難怪很多觀眾大讚她果然是好戲之人，「文女演技不嬲都咁好」、「好耐冇見文女做戲」、「佢完全演到嗰份痛呀」。

談到文頌嫻早前曾透露為角色特意減磅，她接受tvb.com獨家訪問表示「我自己要求減磅 ，因為始終呢個係單元角色 ，我要喺短短幾場戲表達唔同喪子嘅痛 ，如果單靠面部表情去做，我覺得唔足以說服觀眾嗰種痛， 所以我認為一定要喺自己嘅妝容造型方面下啲苦功。」

她指向來一瘦就先瘦臉，因此今次在開工前便吃沙律菜，「我當係薯片咁食 ，好彩我不嬲都鍾意食 ，所以咁樣已經瘦得好快。」

文頌嫻自言更向化妝師提出只化底妝，連眼妝也不要，為求令大家一眼便能見到其憔悴感 ，「因為呢個角色唔可以有眼神，其實佢每晚都可能喺屋企喊緊 ，邊度食得落嘢， 瘦係正常。 同埋我希望觀眾即使未睇內容，都可從你外表睇得出佢一定係經歷咗啲好慘嘅嘢 ，所以演同造型互相配合。

她又指今次角色十分沉重，所以未roll 機前已經要匿埋一角培養情緒。