/public/tvbcom/article/images/202604/3e117558-670c-404d-94ec-0d2f895ba9e2.jpg)
熱播中的《正義女神》，除了有多位好戲之人佘詩曼、陳煒、譚耀文和已故藝人許紹雄坐鎮外，其中首演正經寡言裁判官的周嘉洛，表現令觀眾有驚喜。
劇中他演鄭邵文為中區裁判法院裁判官，除了戴眼鏡斯文靚仔Look令不少粉絲心心眼外，今次周嘉洛撇甩嬉皮笑臉的形象，演正經寡言裁判官，特別是審理案件時的認真冷靜的樣子，完全與在《愛·回家之開心速遞》中「金城安」的廢青形象形成強烈對比，表現亮眼。
延伸閱讀：正義女神｜蔣祖曼周嘉洛悲慘身世揭秘 童星林靖文「護細佬」受傷一幕惹網民心痛
+3
不過由於周嘉洛的搞笑形象深入民心，與今次演裁判官感覺大相逕庭，他接受tvb.com 獨家訪問直此角挑戰大，「但都好開心接到呢個角色，因為對我嚟講係好新鮮有趣嘅事，我冇呈現過呢面畀觀眾睇過。」
他直認與角色有不少相似地方，更自言同樣為「I」人，「雖然我對外係外向，但其實我私下好鍾意靜，唔係成日講嘢。同埋我同鄭邵文一樣，都係好理性處理事情，冇咩起伏好大嘅情緒，呢個都係我嘅工作態度。」
