正義女神｜劉倬昕法庭痛哭自責Solo戲搶FO 大爆佘詩曼親授入戲秘訣：我係好難先會喊嘅人

高成彬愈講愈激動，慢慢雙眼通紅，全身顫抖，痛哭流涕說：「嗰日我係天台睇風景，個小朋友行埋嚟問我睇咩，我仲笑佢，你咁細粒睇唔到㗎，我冇諗過佢會企上咗個欄杆，更加冇諗過因為咁死咗。」

高成彬自責聲淚俱下表示「係我衰，如果唔係我笑佢，我捉不住他，佢就唔會死。」他更不停說：「係我害咗佢，我唔想咁」。

其後，他與蘇麗慈（文頌嫻飾）對話時即立即「變臉」兼露出陰沉的眼神表示「我係故意」令人看得心寒。

一班觀眾也指對於劉倬昕的表現感驚喜，由初時在法庭痛哭自責無辜的情緒，到後期的「變臉」露出陰森的一面，對於作為新人來說，表現不俗，更紛紛留言「初頭比高成彬呃咗」、「佢做得幾好喎」、「佢好恐怖」。

劉倬昕接受tvb.com獨家訪問坦言此角最難是進入高成彬的世界，「因為高成彬同我性格好極端，現實中我比較較活潑同開心，但高成彬比較陰沉 ，佢好多諗法都係收喺心入面唔會同人講，所以要諗下點樣入到個狀態。」

今次劉倬昕要反串演14歲青少年，其表示在聲線上也有特意調較，「 佳導要我長時間壓低把聲 ，佢話就算把聲沙晒都要keep住，初時係有啲唔習慣，但慢慢去到後尾已經好自然壓低把聲講嘢。」

談到作為新人而言，要應付法庭情緒爆發戲絕不容易， 劉倬昕直言挑戰甚高，「因為我本身係好難先會喊嘅人，喊對我嚟講真係唔易，所以初時我收到劇本後諗到一個方法係擴張鼻孔，感覺好似易喊啲。但去到現場都真係要靠入到個角色，先做到嗰個委屈感覺 。」