正義女神｜佘詩曼自責女兒相擁感動網民 樂珈嘉親揭喊戲沉重情緒低落大半年：好煎熬

其後，惠知追查下竟發現女兒邱天雪（樂珈嘉飾）或牽涉欺凌，因此惠知問天雪事件的真相，並指知道她向鍾妙芝潑水，「我知你有份欺凌佢，但我唔信我個女係咁做，我唔信佢係咁壞，媽咪亦都唔會憑一條片就咁武斷」。

天雪落淚說：「你都睇過晒啲片，咁你仲嚟問我做咩？我依家點解釋都解釋唔到」惠知再指上庭後要講法律，因此必定要知道事件的真相，惟天雪則悔氣表示「法律法律，你哋剩係識講法律，我知法律緊要過我，你有證據咪嚟拉我囉！」

惠知勞氣大罵說：「邱天雪唔好再做令自己後悔嘅事」兩母女的關係變得緊張。

另一場則是惠知重看片段時發現天雪向妙芝潑水後，說了一句「對唔住」終發現女兒並不是存心欺凌，必定另有內情。

惠知再到學校找天雪表示「我喺呢條片搵番我個女」，並指知道她是想幫妙芝，故將片段放上網。天雪一聽到片段後即淚如泉湧道出真相，指若知道她們那麼過份，一定不會讓她們這樣做。

惠知即搭着女兒讚她很勇敢，不但為自己錯怪女兒感自責，而且眼見天雪飽受痛苦大表心痛，兩母女相擁畫面，極度感動。

不少觀眾指這集完全看出阿佘相當疼錫女兒，又指她由最初對女兒生氣失望，到最後得知誤會女兒感自責兼心痛的演繹極為細膩動人，幾個場口展現不同情緒層次，盡顯視后功架，令大家看得更為窩心感動。

今次與佘詩曼首合作，便演其女兒的樂珈嘉接受tvb.com獨家訪問分享與阿佘首次見面的難忘事，並憶述：「我第一次見阿佘係試造型嘅時候，當時係驚唔知點叫佢，佳導就話你叫佢Man姐一定冇錯。之後見面後，佢好搞笑話『你做咩叫我Man姐，我係你媽咪應該叫媽咪』，仲立即add 我contact ，所以佢畀我感覺好親切友善。」

她又指當時阿佘更特意約其吃飯，「佢同我分析個角色，又話畀我聽有咩細節位要留意，所以佢幫咗我好多。」