模範律師團煞科｜楊茜堯陳煒酷熱下趕工相繼抱恙 張曦雯首回應與吳卓羲「借貓傳情」

劇組酷熱下趕工 兩大女神相繼抱恙

雖然來到拍攝最後一天，但過程絕不輕鬆。連日來外景氣溫高達36度以上，陳煒在烈日當空下堅持開工，期間一度不幸中暑不適。而楊茜堯亦曾入院打鹽水針，她也有同粉絲報平安，並展現幽默一面：「好小事，可能攰得滯，同埋聞咗啲唔好嘅氣體，焗住咗，咁就入咗醫院，不過好快出返嚟，吊少少鹽水啫，幫助皮膚補充水分。」

何廣沛劉佩玥讚羅嘉良極具反差萌

何廣沛與劉佩玥在劇中跟大前輩羅嘉良有大量對手戲，兩人均表示能向對方偷師是極難得的學習機會，劉佩玥更笑言每次見到「師父」羅嘉良都會秒變「心心眼」，大爆對方幕前專業，私底下卻非常盞鬼，經常做騎呢表情逗大家開心。

何廣沛亦補充指，雖然前輩們埋位時嚴肅認真，但只要一喊「Cut機」，羅嘉良與楊茜堯就會主動講笑話調節氣氛，貼心減輕大家的沉重壓力。

張曦雯首回應與吳卓羲緋聞：等佢喺度先問

張曦雯早前被傳與吳卓羲「借貓傳情」，事關吳卓羲領養的貓貓疑似出現在張曦雯的家中，不少網民懷疑二人是因為合作《璀璨之城》而擦出愛火花，是日她亦作出澄清：「『冬菇』係一隻街貓，我執佢返嚟時，佢都係一隻街貓，我一個人養佢嘅，依家住喺我屋企，係我自己嘅貓，冬菇係屬於我嘅。」

當被問到貓貓是否與吳卓羲完全無關時，張曦雯則大賣關子，笑言讓主播許文軒待吳卓羲在場時再親自問對方此事。