:quality(80)/public/tvbcom/article/images/202503/eda8f5b9-4c9e-49f4-9d36-6c1560dd67c8.jpg)
《奪命提示》昨晚（24日）一集兒童院兒童離奇失蹤案件有新進展，一直被認為是拐走及毒害兒童真兇的娟姐（楊卓娜飾）終成功洗白，根據劇情真兇應是井亦希（鄧智堅飾）。
延伸閱讀： 奪命提示劇情及演員名單｜全30集劇透懶人包（持續更新）陳山聰/張振朗/劉佩玥/劉穎鏇 破高智能懸案
昨晚一集絕對集緊張與催淚於一身，先說緊張位，由於俊朗（張振朗飾）契女子瑜（鍾嘉佑飾）意外揭發了井亦希是殺死保安真兇，就在差點被井亦希殺死之際，娟姐及時趕到並救走子瑜，但混亂間意外翻車齊齊身陷險境，幸好俊朗等人及時趕到才避免悲劇發生…同一時間，精神錯亂的井亦希當街襲擊兒童，姜姐（劉佩玥飾）在郭柏飛（陳山聰飾）協助下成功將井亦希制服…
至於催淚位，則是娟姐的超可憐身世。其實娟姐是超級愛錫小朋友的大好人，由於有感兒童院有人欲對小朋友們不利，娟姐才帶走安仔（何珀廉飾）和雯雯（周珈慜飾）…原來娟姐年青時因為嫁了衰老公郭滿（莫家淦飾），終日過著被拳打腳踢的生活；一次娟姐為了保護愛兒強仔（陳穎朗飾），持刀與衰老公郭滿對峙，豈料因而被趕到現場調解的警員誤會為挾持仔仔而被拘捕；強仔為了追趕被捕的母親意外遭車死，親眼目睹慘劇的娟姐傷心至嚎啕大哭。
而令人敬佩的是，昨晚短短一集楊卓娜先後展現了五場「天花板痛哭演技」，分別是對著強仔最愛的蛋糕瀑布式垂淚；向丁子朗發洩埋藏多年的積怨的大吵大鬧式哭叫；抱著與老公同歸於盡、夾雜著憤恨及暴怒的淚如泉湧；被老公毒打時的無助式爆喊，以及目睹兒子慘死的極崩潰哭叫，相當厲害！談到多場喊戲，娜姐接受TVB.COM訪問時坦言最喜歡點蛋糕仔悼念亡兒一幕：「我最記得呢一場，我真係心痛，我拍完keep住喊咗好耐，停咗機我仲喊緊。呢啲位置係最寫實嘅，最真實嘅感受永遠都係最細嘅位置開始，通常都係一個人，一件好簡單嘅物件。」
除了情緒戲，娜姐所有細節位亦做到十足，由於劇情講述娟姐跳完天台後雙腳行動不便，為了配合劇情及角色，娜姐昨晚逃避丁子朗追捕一幕，全程趷住腳喪跑，齋睇鏡頭都感受到娜姐每一步都走得相當辛苦。娜姐笑言拍攝時確實試過忘記趷腳，不過她笑言拍攝《奪命》真正辛苦的，反而是無啖好食：「最唔開心係拍嘅時候唔可以食好嘢，成日都keep住要好瘦，其實我鍾意肥同埋塊面有番啲肉。同埋成日驚自己開心得滯，進入唔到個角色。」
對於娜姐是次無論在情緒或動作演出上都迎來突破，監製文偉鴻（Jazz）早前發文大讚楊卓娜拼搏，並透露娜姐為了突顯角色的悲涼感，經常出奇不意嚇他一跳：「佢失驚無神又跌落地，一入戲就進入忘我mode，好幾次話明做到跌地之前就會再接shot，跟住再鋪軟墊再唻㗎嘛！吖！你條友吖，一入戲又直（接）做埋落去，跌到砰砰聲，大姐呀！作為監製有你呢啲演員當然開心啦！但作為多年同事，我真係驚你受傷！心痛㗎！」為了起到阻嚇作用，Jazz更加重語氣謂：「有一日我同楊卓娜講：『你再係咁，我下次唔會再揾你！永不錄用！』」監製認真用心良苦。
自小已愛看書 娜姐有感看書有助增加演員靈性：等於我閱讀咗好多好多劇本
娜姐笑言自己的嗜好是看書,並笑言看書有助增加作為演員的靈性：「其實我覺得睇書好重要㗎，對演員嚟講係靈性嘅學習，呢啲嘢都係要慢慢儲番嚟架。其實我成個屋企都係書櫃，我個書櫃仲大過我個女好多好多。我好鍾意收藏書架，同埋由細到大都好鍾意睇書，我人生最大嘅財富就係我啲小說同書，有段時間我覺得自己屋企好似圖書館咁，好誇張！咁樣亦等於我閱讀咗好多好多劇本咁。」
