梳化時間｜張曦雯親認與吳卓羲啱傾有好感 大爆婆婆有評價：佢係心地好好嘅人

10歲的時候Kelly全家移民到美國芝加哥，回想童年的生活，雖然並非大富大貴的家庭，但父母卻傾盡全力給予她與弟弟最豐盛的陪伴。「細個嘅時候，我同細佬都唔係想要咩就有咩，但佢哋好努力工作畀最好嘅嘢我哋。細個我有學芭蕾舞、游水，Daddy媽咪又會帶我哋去公園玩，呢啲都係好深刻嘅回憶，過得好開心。」

母親是事業女強人，相反父親陪伴她兩姊弟的時間較多，Kelly憶述在美國返學的日子，父親永遠風雨不改接送他們，「佢每日都要好早起身，仲要返工時間成日塞車，真係好辛苦。」

初到美國一個全新的環境，首要面對便是語言的問題，幸好當時她在香港讀書以英文教學，因此早已打好良好的基礎。「但去到剩係用英文溝通，當然都有個語言隔閡，但我覺得喺嗰個歲數學習能力好快，同埋我有好多親戚喺嗰度，身邊又有好多差唔多同齡嘅朋友，大家講得多好容易就Pick up到。」

除了語言隔閡，Kelly也曾遇上言語的欺凌，同學會說一些歧視的笑話，惟年紀輕輕的她坦言即使不開心，也絕無選擇躲在角落流淚，深明這是必經的階段，反而學懂不去在乎不重要的事。

「我由細到大都唔係一個咁脆弱嘅人，佢哋講完咪算，唔好放喺心入面。同埋我覺得唔只係華人，任何種族嘅人唔喺自己嘅地方，都一定會聽到呢啲嘅說話。」

母親為女強人，影響到她現時工作處事態度獨立，懂得照顧自己和身邊人。她笑言「張家嘅女人全部都係家庭嘅領袖」，「我啲姑媽同姑姐個個都好叻，又識做生意，總之就係女人當道。」

從成長的環境學習那份強，做事不易後退。在父母的身上她深刻體會做人處事之道，對人要保持一顆真誠善良的心。

「我Daddy同媽咪都係好大方唔計較嘅人，佢哋好錫屋企人同朋友，所以由細到大睇到佢哋點樣對人，令到我同細佬都好似佢哋咁。」

年輕總有反叛的時候，Kelly也不例外，自認頑皮愛玩，「我會去穿脷環、又同啲朋友喺條街瞓排隊入去聽Metal Concert ，但總之唔會做啲犯法嘢或者同啲男仔亂搞關係。」

年少無懼，當時僅得16歲的她，竟瞞着父母偷偷穿脷環，更大膽找同校的師姐幫忙。她憶述，「嗰時未夠秤去穿，我同老友就搵咗高我哋幾級嘅女仔幫我哋穿。因為佢喺穿環嘅舖頭做兼職，所以我哋就畀錢佢再帶啲工具返學校，我哋仲要偷偷地匿喺儲物室度穿，我穿脷環，我朋友就穿臍環。」

不過最終她穿了足一星期就被母親發現大罵一場，「當時被媽咪發現係好驚，我記得佢冇同Daddy講，佢話：『我唔同你Daddy講，你同我即刻拎番出嚟』！」即使被母親責罵，她坦言：「至少畀我試過。」

自小想做的事就決心去做，骨子裡有著金牛座的倔強與大膽。當年Kelly因初戀男友返港發展，雖然最初母親反對，終也放手讓女兒決定自己的路。直至她決定入行，父母內心依然無比擔憂，惟從不會在其面前展露。

「佢哋喺美國，我一個喺香港，我諗番如果我係佢哋都會好驚，個女走咗去咁遠，同埋又聽過好多娛樂圈黑暗嘅嘢，加上我哋喺呢行又唔識人，所以佢哋擔心係好正常。」

她在2012年參加《國際中華小姐》後，父母鼓勵其簽約TVB，至少大公司令他們放心，「佢哋覺得我唔好出去試或者闖，選完美就留喺呢間公司，起碼都係大公司，唔會有啲咩怪嘢發生。」

進入這個花花世界的娛樂圈，她從沒有擔心，一直跟隨自己的選擇，最重要的是她認為「冇人會逼到我做啲唔想做嘅嘢」。按着自己的腳步，由主持再變成演員，一步步升到女主角的位置。

《強人》系列是她的轉捩點，其中《白色強人》更令其明白何謂演戲。全因她遇上兩位在演戲上對其影響甚深的伯樂，一位是監製Marco（羅永賢）；另一位則是郭晉安。

「安哥哥都算係一個師傅，佢都教咗我好多嘢，或者唔可以講教，而係喺佢身上觀察或者有時大家傾個劇本時，就會發現『哦！原來你係咁樣睇，原來係可以咁做。』」

不足而自知的人，才有一顆謙卑受教的心。Kelly自知演技需要磨練，因此2019年決定去洛杉磯進修演技，學習演戲的理論，令其獲益良多。「雖然只係上咗個幾月，但過程好密集，唔係上堂就係同同學綵排，同埋又遇到兩個好好嘅老師。我都係一個讀書人，有個老師講完就好快入腦明白，所以令我有好多啟發。依家我準備一個角色嘅時候，都係用緊老師教我嘅嘢去做。」

學習到書面上的理論，加上返港後有不同的演戲機會，慢慢浸淫，兩者配合下，形成一套自己的演法。

美麗的外表是「雙刃劍」，在入行初期Kelly總被標籤為「花瓶」，她努力蛻變，望擺脫這個標籤，用實力說話。

「我喺《破毒強人》
剪短頭髮或者喺《企業強人》做癌症病人，我特登光頭唔戴帽，呢啲都係我用自己嘅方法，畀大家知道我唔係淨係想靠外表，而係我想拎啲實力出嚟去得到大家嘅認同。我想愈做愈好，希望大家睇到我嘅努力，擺咗心機落去一個角色入面。」

她直認外表的關係，難免會局限其戲路發展，渴望終有一日演到「貼地」的角色，「我一直都畀唔到一個好Local嘅感覺畀大家，就算依家我講對白或者講嘢都要諗，如果我用自己嘅方法講出嚟，可能會有啲英文，中間啲文法又會錯，所以希望我嘅廣東話會愈嚟愈好。」

在《璀璨之城》中Kate是十分進取的人，現實中的Kelly卻偏偏相反，她直認個性佛系，一切隨遇而安。「我唔係一個好鍾意去求人，或者搶嘢嘅人。我覺得太進取會好尷尬，最重要做自己，係你就係你，冇得強求。」

面對充滿競爭的娛樂圈，她早已看得開，從沒有比較的心，深明各有長處，每個人的步伐也不一樣，找一條屬於自己的路。

「我喺呢行都唔係一個行得好快嘅人，唔係一出嚟就可以拍劇或者做女主角。從來我努力做好一個角色，都唔係想同人比較，人哋好亦唔代表你唔好，同埋一定會更好、更靚、更高嘅人出現，所以冇得比。」

人總會有迷惘期，尤其在這行難免不時自我懷疑，Kelly坦言不時走入這個內耗的漩渦，「因為出嚟嘅作品係好主觀，冇話係一百分，我諗就算做咗幾多年嘅演員睇返自己嘅嘢，都會覺得可以做得再好啲。同埋做演員有時工作忙到幾個月都冇得瞓，但當拍完部戲一靜落嚟又會覺得好空虛，開始不斷自我懷疑，係咪自己做得唔好呢？」

不過她深明現時工作機會不像以前，學懂調節自己的心態，不再像以前局限自己在某個框架，放開接受更多不一樣的工作。她首樣作出改變便是拍攝更多社交媒體的短片，原來對Kelly而言這是很有難度的事。「我唔係一個習慣成日都攞住部機咩都影嘅人，所以要拍呢啲片，我都要努力嘗試去做，但依家慢慢都搵到個樂趣。」

另一樣則是唱歌，她自認是完美主義者，過去只要覺得自己做不到一百分，她寧願選擇不唱，現時放下了過往那些無形的枷鎖，「始終我都唔係一個專業歌手，可能唱得唔錯，大家仲覺得驚喜呢，不如就嘗試吓。」

在工作上不爭不取，但感情上也有主動大膽一面。她笑言曾試過在學校舞會，大膽邀請全校最帥氣的男生當其舞伴，這些也是青蔥歲月裡的重要回憶。

去年她與拍拖8年的男友分手，回復單身後不乏追求者，現時的Kelly學懂不要想太多，最重要忠於自己的感受，開心便可。

大家最關注莫過於是她與吳卓羲的緋聞，外界認為郎才女貌，十分匹配。提及對方時，Kelly大方直認有好感，「我哋用咗咁多個月拍咗一套劇，中間暫停過再開拍，我覺得我哋建立咗個好好嘅關係，同埋佢都係心地好好嘅人，我哋意外地都好啱傾，所以都有好感。」

雖然父母從沒過問其緋聞，惟她笑指婆婆很關注其感情事，更透露對方是TVB的粉絲，大爆兩婆孫的搞笑對話，「我講笑問佢鍾意邊個，我就溝佢返嚟。」

Kelly直言婆婆對卓羲的評價不錯，「佢都好似幾鍾意佢，卓羲細細個做戲，婆婆就睇住佢大。」