新聞女王2｜馬國明孖佘詩曼做AI主持 親揭最難係呢樣嘢 鏡頭背後原來係咁

其後，警方於海底發現戰時遺留炸彈，古肇華決定派「AI慧心」落場，實測直播能力；文慧心Man姐亦親赴現場報道，真人與AI即場對壘。

不過AI始終是AI技術太新，在現場報新聞時錯漏百出，而文慧心Man姐當然不負眾望，講述香港在過去多次發現戰前遺留的炸彈，展現超強記憶力，完美力勝「AI慧心」，絕對是「真人快過電腦」。

最後文慧心Man姐望着SNK採訪車更擺出一個鄙視的眼神，不少觀眾指隔住Mon都被其強勢眼神所震懾。

至於在鏡頭背後的片段中可見，佘詩曼十分努力練習，更要假裝旁邊有人對話，又要控製微表情，真的不容易。佘詩曼曾透露演AI有挑戰，「因為要演得生硬一啲，例如說話轉頭要似機械人，我都睇咗好多片段做功課，研究AI嘅神情同語氣，所以演AI嘅難度比演自己更難。」

馬國明接受tvb.com訪問指所有AI所讀的對白也是他與佘詩曼再演多次，同樣直言要模仿AI有難度，「最難係要冇感情咁讀報道，因為我哋平時演戲都會帶情緒喺對白度，但AI報新聞唔可以有尾音，亦唔可以聽到你有感覺喺入面，所以要好似電腦讀字逐個彈出嚟，呢樣係要啲時間適應。」

他續說：「其實又唔係好難，只不過係有啲位要注意，但我覺得幾好玩。」不少觀眾讚賞二人的演技，甚至有網民表示「我以為真係AI」、「演得太似」。