/public/tvbcom/article/images/202511/3e183f2d-fcc2-465a-af39-4e974d2068d9.jpg)
《新聞女王2》現正熱播中，今晚（14日）一集白書昀Diana（蔣祖曼Joman飾）型格Look首登場，引起大家注目，很多網民指完全認不到她，更讚其造型令人有新鮮感。
劇情講到文慧心Man姐（佘詩曼飾）為尋找金主，出席商界活動，更認識了EDISON TECH的CEO白書昀Diana，而Diana亦十分欣賞她，並表示「我鍾意你，文慧心」。
延伸閱讀：新聞女王2｜高海寧睡姿大晒冷 網民激讚：認真工作同認真瞓覺嘅許詩晴一樣咁好睇
新聞女王2｜佘詩曼狠心拒絕「床寶」何廣沛 網民心痛對方：11點前都冇得留底
新聞女王2｜徐榮演領功卸膊上司入型入格 引打工仔共鳴：間間公司都有
:quality(80)/public/tvbcom/article/images/202511/9f59eb39-eaa3-41d9-b098-0e026e26df28.png)
當中戴上眼鏡、All back頭兼穿上一身西裝的Diana，相當型格，先在台下怒氣沖沖掌摑騷擾女下屬的男人，其後她在台上展現公司新發明的全球最細的汽車充電池自信滿滿，而且，她做事有自信兼不理會別人看法，並表示「身家去到一定數目之後，都係啲好冇意義嘅嘢」、「我都費時同啲人拗，一陣搞到自己個口生飛滋」展現與文慧心Man姐另一種霸氣，難怪引起網民關注！
一班網民紛紛留言讚蔣祖曼不論出場還是個Look也相當有型，令人十分有驚喜，又指她的氣場與Man姐有得揮，「Joman型到爆」、「佢同Man姐好夾」、「好想睇佢哋嘅對手戲」。
談到今次這個造型令不少觀眾感驚喜，蔣祖曼接受tvb.com訪問指功勞全靠總監製鍾澍佳：「由之前《法證》到今次《新聞女王2》，佢每次都可將我包裝到大家冇諗過嘅造型，雖然今次我都係做女強人角色，但同平時好唔同，呢個造型好突出同符合到我角色，營造到我好聰明嘅感覺 。」
她又指用了一個下午試造型，配戴的眼鏡也是佳導細心挑選，「當時有張長枱擺滿唔同款式嘅眼鏡，睇到我都亂，但佳導已經係好清晰揀好邊款畀我試，佢心入面已經有個形象喺度。」
對於今次的角色自信淡定，十分聰明，蔣祖曼自言現實中為人沒有自信，比較驚青，「我成日會話畀人聽我好冇信心 ，但阿佘會同我講你唔好再咁講， 唔好成日都話自己係垃圾， 佢哋都畀好強嘅心理輔導我。」
她又指由於今次此角色做事有信心又聰明，氣場不能夠被佘詩曼弱，故初時她也有擔心，怕自己做得不好，惟蔣祖曼親爆阿佘一舉動相當暖心，「佢喺開拍前特登搵咗我傾偈，同我講唔需要擔心或者驚佢，畀我了解佢多啲，令我可以放鬆去演，所以我好感激佢，佢真係好好。」
至於佘詩曼受訪時指與蔣祖曼因拍攝《正義女神》而認識，但當時因大家很專心拍戲，沒有很深入的聊天，「當我知佢拍《新聞女王2》，Joman呢個角色係好有智慧同資金好雄厚嘅人， 所以佢係一個非常有信心嘅人，甚至要比Man姐更加有信心，所以佢唔可以有所謂嘅怯場或者驚我 ，我就即刻約咗成班演員嚟我屋企食飯傾偈，大家放開咁玩 ，令大家熟絡咗就冇咗呢樣嘢。」
