:quality(80)/public/tvbcom/article/images/202511/084d5ed9-d559-4af9-97fb-26c57580f1a1.jpg)
《新聞女王2》昨晚首播後話題多多，除了佘詩曼的驚人霸氣令網民為之折服，王敏奕的「盛世零死角」美顏亦令網民一再驚艷。
《女王2》中的劉艷雖然轉眼已做了四年記者，但不單初心仍在、純真度及熱血度亦保持得相當好。先說熱血度，在梁景仁（馬國明飾）喪禮上，王敏奕一嚟就使命感大爆發、係咁Chur住新聞處處長曾航生：「點解份新聞稿避重就輕，完全冇提過人命傷亡嘅責任問題嘅？」、「份稿多次提及天災，係咪想淡化人禍？」新聞主任許詩晴（高海寧飾）見狀出口阻止，不過劉艷睥了對方一吓後、決定再度咬住處長唔放，眼神還要流露出滿滿的正義感，相當有火兼有型：「唔回應係咪有嘢隱瞞呀處長？」
+3
至於純真度，則單憑「飲水泯恩仇」後續場口已看得一清二楚。《新聞女王》首季，劉艷、Man姐、張家妍及詩晴等、因為幾個人一支水分甘同味，衍生出大和解的推測。不過其實根據總監製佳導解釋，「那有這麼容易洗白和好」；所以第二季一開出，Man姐、家妍及詩晴異口同聲否認曾有其事，只有劉艷大為費解地一再追問：「咁我哋畢竟share過一支水，依家share埋同一支紅酒，大家可以講真心話」、「我明明記得一支水大家分甘同味，我哋仲笑得好開心」、「嗰日天氣好好，陽光普照」…
+14
王敏奕獲封「天真Venus」
雖然劉艷被三名前輩嫌Stupid，但網民就是欣賞她的初心與熱血，並封王敏奕為「天真Venus」：「劉艷真係好Pure好True」、「好鍾意佢冇機心」、「好似蒸餾水咁清純」、「Venus做女神又得，做stupid都得」。另與前輩爭辯期間、不小心流露「呆萌Cutie三連環」，令網民甜到入心的同時，大家對王敏奕的「小雲眼鏡Look亦甚為受落：「王敏奕眼鏡look幾正」、「Venus咩造型都好睇」、「家嫂有無角度係唔靚」、「家嫂依然都係好正」、、「每次出場都靚到Dum一聲」。
+1
