:quality(80)/public/tvbcom/article/images/202511/d56c5fe1-4106-4141-8df5-97090f3fcb10.jpg)
《新聞女王2》正在熱播中，上季倪嘉雯（Carmen）在劇中雖然發揮不及今季多，但因「老是常出現」，獲封「最美過鏡女同事」，成為佳話。來到第二季，「老是常出現擔當」由Carmen變為之前憑戀綜《女神配對計劃》備受關注的林俊其（Kris）。
之前在《反黑英雄》及《刑偵12》均有亮眼表現的Kris，來到《新聞女王2》的Marco一角雖然看似發揮不多，但出鏡率頗高，經常傍住新加入SNK的Kingston（黃宗澤飾）行出行入之餘，還對Kingston所有order唯命是從，無論廣告時段調動、斟茶遞水、起底分析、搖旗吶喊助聲威等，Marco都盡心盡力做到最好，只要Kingston眉頭一揚或是手指一撻，Marco便會Stand by好，當中尤以「遞奶」工作做得最為完美。
延伸閱讀：新聞女王2線上看｜劇透懶人包！全25集劇情（持續更新）佘詩曼/黃宗澤/馬國明/高海寧再掀新聞風暴
新聞女王2｜佘詩曼完美示範「瓊瑤式落淚」零對白靠眼神表情演繹封神級演技
林俊其接何廣沛棒成SNK「第二代床寶」
由於Marco及Kingston經常形影不離，加上二人無論西裝打扮、甚至乎行路姿勢都帶點「神同步」，獲網民熱捧為劇中焦點CP，並笑言林俊其接Ivan棒成為「SNK第二代床寶」。對此，林俊其接受官方訪問時笑言：「我知好多人都話我同黃宗澤係CP，多謝大家留意到我。我見過一個網上留言好好笑嘅，佢話：『Man姐有Ivan呢個床寶，咁Kingston個床寶係唔係Kris呢？』，咁我覺得好搞笑就回咗一句：『我不是床寶，我是奶寶』。因為我除咗幫Kingston處理大小業務，仲有一個好重要嘅動作，就係幫Kingston遞奶，同埋幫佢儲起佢啲奶！」
林俊其續指劇內劇外都非常享受和Bosco的同場時光：「我企晌Bosco隔籬，會感受到佢演戲嘅節奏，同埋氣勢各樣嘢都係好正，真係齋睇都學到好多嘢！」並笑言「遞奶動作」，其實是Bosco溫提他加入角色設計中、Bosco果然相當有心。
