/public/tvbcom/article/images/202511/446730b8-aaf9-439e-8027-b067fb74d59a.jpg)
TVB台慶劇《新聞女王2》正於翡翠台熱播，除有第一輯原班人馬強勢回歸精彩鬥戲之外，新血的加入同樣引起網民關注。好似昨晚（12日）播出一集，飾演SNK實習生「楊詠欣」的李海銅（Nina），甫登場就憑住高挑身型、一雙筆直白滑美腿及仙氣靚樣，秒吸觀眾眼球。雖然出場僅半分鐘，但她與掌握大權的SNK副總監張家妍（李施嬅飾）之間的對手戲便已火花十足。
延伸閱讀： 新聞女王2線上看｜劇透懶人包！全25集劇情（持續更新）佘詩曼/黃宗澤/馬國明/高海寧再掀新聞風暴
刑偵12「曾嘉儀」李海銅衣衫襤褸Look晒白滑皮膚獲讚超靚女 藝訓班班花曾獲封「絕色茶餐廳太子女」
劇中，初入職場的李海銅就以富家千金Look上陣，精緻短裙套裝配搭昂貴皮鞋，令一向對新聞工作抱以嚴謹、專業態度的李施嬅即表達不滿：「跑新聞要四周圍走，拳腳無眼，換過對鞋」。李海銅一臉天真反問：「吓？但係平底鞋喇喎！」李施嬅耐心解釋：「係要平，成個月嘅人工，有咩損傷，自己肉痛！」隨後李海銅一句話即拋窒對方：「我唔肉赤啊，我特登買來平時著」，就連一旁的朱樂洺（飾陳宇軒）聽完都O晒嘴，畫面十分搞笑！
談及今次有份拍攝重頭劇《新聞女王2》，李海銅接受tvb.com訪問時表示很珍惜這次機會：「我覺得戲份唔係重點，能夠參與已經係一個好好嘅經歷。」難得與黃宗澤、李施嬅同場演戲，李海銅都有向兩位偷師，參考不同演員的演繹方法：「因為戲入邊黃宗澤係一個好有計謀好用心計嘅人，佢一舉手一投足都好有氣場，同埋佢同李施嬅嘅對戲鬥嘴，都好值得我哋去學習。令到我哋知道有時鬧交唔係要放盡個情緒鬧，笑住都可以做到攻擊力嘅演技。」而對於網民讚她好靚女好有仙氣，她則謙虛回應：「當然睇到呢啲評價評語我會好開心，我只係希望大家會喜歡我嘅表現演出就更加好啦。」
其實，畢業於第32期TVB藝訓班的李海銅，去年就憑《逆天奇案2》飾演「隔籬茶餐廳太子女」、《反黑英雄》的施暴MK妹等角色成功彈出，早前《刑偵12》中的「曾嘉儀」，衣衫襤褸的她暈倒馬路戲份，畫面震撼，更令觀眾留下深刻印象。
