新聞女王2｜方太龔慈恩「手袋論」借包喻人道出老闆思維 黃宗澤一舉動有含意？

方太拿起另一個男裝公事包，對其又愛又恨表示「呢個長青款用得最耐，我以為最有感情，但原來感情好脆弱，我冇諗過有朝一日，第二個人用同一個款，我接受唔到，我唔要撞款。」暗喻想不到昔日的好幫手余英飛（鄧智堅飾）竟到了公開平台幫文慧心，令方太生氣。

她再拿了一個女裝手袋表示「呢條line 以前好突出，唔知點解依家變到咁保守，冇咩驚喜，可能佢想轉型」好明顯指昔日行性感花瓶的許詩晴（高海寧飾）轉了做政府新聞處新聞主任後做事風格也有所不同。

隨後她再拿了一個背包不爽地說：「呢個我畢業就開始用佢，覺得佢有前途想栽培佢，所以我唔介意當時佢質數唔穩定一樣照買，但到佢自立門戶後就唔畀面我。」冷笑一下又丟棄，這個包則暗喻劉艷（王敏奕飾）。

方太再拿起一個容量大實用包，「呢個就好大好實用，拎去跑就最啱，但穿咗個窿跌咗我好多嘢，搞到我好麻煩，倒米袋」即指雖然張家妍（李施嬅飾）有工作能力，但做事太自我，令公司惹上不少麻煩。

最後方太拿的手袋比喻昔日最重用的幫手文慧心，同時對其最有感情，「呢個係最唔捨得，我一直以為櫃有佢會好安心，不知不覺間我都已經好耐冇用佢，世界上有千千萬萬個袋，實會搵到個替代品。」

豈料古肇華突然一手丟走方太手中的袋，更叫其用迷你袋，「呢個最啱方太，依家有咩事一個電話搞掂晒」即暗示有他便可解決所有問題。

古肇華續說：「如果方太有好多東西要拎交畀我咪得，我個袋大咩都裝得落」。

有網民指古肇華將最細的袋給方太，自己用的大袋成對比，此番話想隱喻自己的權力愈來愈大，有野心的他甚至有一日會對方造成威脅。很多網民更認為方太的「手袋論」道出了老闆用人的思維，對白精警，場口精彩。