:quality(80)/public/tvbcom/article/images/202511/0517f85a-1106-4fd1-a7fb-e046aed646a0.jpg)
《新聞女王²》昨晚（10日）首播掀起全城熱話！除了各式各樣的張力場口，主角群大晒金句外，劇中一場逾2分鐘的「一鏡到底場口」亦引起觀眾注意。由於「一鏡到底」意味著中間完全不能有任何NG，因此需要台前幕後事前仔細溝通。片段播出後，觀眾大讚劇組：「一鏡到底呢度真係拍得好好」、「劇組好有料到」、「One shot唔容易拍，劇組非常有心」。
延伸閱讀：新聞女王2線上看｜劇透懶人包！全25集劇情（持續更新）佘詩曼/黃宗澤/馬國明/高海寧再掀新聞風暴
延伸閱讀：新聞女王2第一集｜佘詩曼哀悼新聞戰友馬國明 新總監黃宗澤大做追思會Show
延伸閱讀：新聞女王2｜佘詩曼孖3條Queen合體飲紅酒 驚喜呼應上輯大結局飲水場口 揭呢場戲有特別意思
一鏡到底場口內容講述，當SNK主播潘志傲 Ivan（何廣沛Matthew飾）完成晨早新聞直播離開錄影廠後，在Open Office撞到同事姜力恆 Sam（姚宏遠飾），二人經走廊進入化妝間並大聊「舊戰友」花牌八卦；途中，SNK花瓶賴嘉詠Bella（郭柏妍Rosita飾）加入二人，邊走出化妝間邊大談副總監張家妍（李施嬅飾）是非。期間三人經過財經房、長走廊，再抵達觀眾非常熟悉的場景—SNK Open Office。
何廣沛（Matthew）接受官方訪問時，親揭拍攝場口點滴：「拍攝之前總監製鍾澍佳（佳導）同我哋講過，佢某啲場口會一shot落咁拍。因為喺《新聞女王》（首季），Open office同直播間（兩大主景）係兩個獨立嘅景嚟，而今次劇組搵咗一個地方，Open office同直播間就喺埋咗一齊，中間用咗化妝間、其他會議室嘅一條走廊去連接咗，將兩個好具代表性嘅SNK廠景形成咗非常大嘅景。佳導正式開拍前都有拍咗啲片畀我哋睇，我哋睇完好震撼，冇諗過自己喺一個咁大型嘅環境下工作。」
何廣沛續指有份參與「一鏡到底」拍攝榮幸又緊張：「因為嗰段戲由我帶出，由主播台行去SNK Open Office，過程需要2分鐘，而且中間對白唔斷得，好大挑戰。過程中係靠成個團隊嘅努力，攝影師部機要跟住我哋走嚟走去先至最唔容易，其他演員又要配合喺我哋後面夾啱時間行過，係好複雜，所以我哋開拍前都準備充足。正式拍攝嗰陣，我記得大約拍咗5-6個take就完成咗。」
何廣沛又透露自己是首次挑戰一鏡到底場口，故非常緊張，甚至拍完後情緒久久未能平復：「本身已經好緊張，因為成個過程兩分幾三分鐘直落，又多對白。拍完呢場我嘅腎上腺指數係一直維持喺好高嘅狀態，就算拍完成大半個鐘，我心跳依然好快，亢奮指數依然好高，好似坐咗一個好長好長嘅過山車咁！」
