愛回家之開心速遞｜ 劉丹領軍「熊家」開心迎接大結局 破天荒拆解掛牆畫電視機秘密

作為《愛‧回家》領軍人物，劉丹（丹爺）談到《愛‧回家》即將完結自然感觸良多：「點講呢，我依家梗係唔捨得啦！不過諗深一層，天下無不散之筵席。」並笑言會寄望在新處境劇會有新嘗試，並搞笑呼籲各人：「我哋一於一齊報名！」足見眾人對有新處境劇其實亦十分期待。

滕麗名（阿滕）則直指《愛‧回家》精神長存：「就算話（套劇）完，其實對我嚟講唔係完，我諗我個仔（指周嘉洛）係繼續會搵我！」、「咁我覺得阿爸（劉丹）就唔使講，我由《真情》對到佢依家，呢個（《愛‧回家》）精神絕對係可以順延落去。」說畢還率領眾人大叫熊家口號：「熊家精神係咩呀？見得人拜得神，唔會失禮人！」至於阿仔周嘉洛，亦直指熊家關係不會變：「我覺得呢家人嘅bonding係唔會走，有幾可可以同人拍到十年嘅戲，好似真阿媽、真公公，真姨姨一樣…所以，係唔會完嘅，因為我知道大家會Keep in touch。」並順道搲撈拍攝新處境劇：「再者新嘅sitcom 睇吓可唔可以又舔到啲。」說畢引起哄堂大笑。

談到《愛‧回家》暫為TVB最長壽處境劇，丹爺即與熊家所有人、陳浚霆及古佩玲一起多謝珍姐：「即係我成日都係咁講，有呢啲成績真係要多謝一個人，多謝珍姐，真係真係。」呂慧儀更識做地向珍姐派心心。眾人在訪問最後還一起熊抱丹爺，場面感人又熱鬧。古佩玲則笑指還未正式入行之前，曾踏足過《愛‧回家》拍攝現場，到底又係咩因由？另各《愛‧回家》演員還會破天荒拆解熊家的各種秘密，包括「電視機」、「Cushion」、「掛牆畫」及「客廳擺設」的「暗裏乾坤」，相信一眾《愛‧回家》Fans一定好鍾意。