愛回家之開心速遞｜龔燁熊若水升呢父母 「曾孫」陳力行晒超時空合照：遺傳到優良基因！

他又感恩《愛．回家》劇組讓他體驗不一樣的人生，「感性啲講，多謝愛回家嘅劇組，俾我呢九至十年裡好多擬真經歷；賦予一個fantasy般嘅家庭，俾我模擬過結婚，到依家有小朋友，甚至未來透視有曾孫。就算我現實未必有機會經歷呢一切，如今都滿足了。Very Content.」

日前適逢父親節，身為曾孫仔的「龔起」陳力行在社交網大晒與張景淳、呂慧儀的合照，留言：「作為龔起我真係好感恩有咁好嘅曾祖父母，喺我身上相信大家都睇到遺傳到你地龔水嘅優良基因係有幾咁好～最近知道我爺爺龔丸就嚟要出世好興奮！！雖然愛回家接近尾聲好唔捨得…但我深信你地留俾觀眾嘅一段段美麗回憶，大家一定唔會忘記之餘仲會去重溫。」

陳力行接受tvb.com訪問時，大讚張景淳、呂慧儀是很好的前輩，他說：「佢哋好好人一啲架子都冇，一齊做戲嘅時候會提下我一啲細節位點樣可以做得更加好，好仔細。拍完嘅時候我同龔燁哥哥講話我做過佢曾孫龔起，之後佢仲叫埋Mary姐一齊影咗呢張合照，真係兩個前輩都好nice。」