愛回家之開心速遞｜羅皓誼升呢單元主角初入劇組獲林漪娸暖心提攜 親揭「卜卜脆」花名由來

羅皓誼感謝初入劇組獲林漪娸照顧

原來Ceci待卜卜脆極好是為感謝其一次善意之舉，而戲外林漪娸同樣落力提攜後輩。羅皓誼接tvb.com訪問時自揭初入《愛·回家》劇組備受林漪娸關懷與照顧，甚至對方還會將自己的台詞分給她，令她感到十分窩心：「佢會特登分一啲佢自己嘅對白畀我講，就想觀眾快啲認識我，更加多嘅戲畀我，私底下請我食嘢，係一個好錫我，好sweet嘅前輩！台詞、演技有啲乜做得唔好啊，或者唔足夠嘅時候，佢都會第一時間同我講，可能我未必第一時間可以追到，但佢都會唔怕麻煩同我一直一直去練去講，好感謝佢！」

親揭「卜卜脆」花名由來

羅皓誼以「卜卜脆」一角為觀眾熟悉，她親揭這個花名是林漪娸所贈：「我印象最深刻係同佢第一次見面，佢問有冇諗好叫乜名呀，跟住就問我幾多歲，個陣時啱啱17、18歲，佢就話咁你叫『卜卜脆』喇，係一個好奇妙嘅相遇」。