/public/tvbcom/article/images/202607/fcfa0cf6-01b4-425b-8c99-6809770a5f03.jpg)
播出九年半的《愛·回家之開心速遞》即將落幕，觀眾與一眾演員都高呼不捨。在昨晚（9日）播出的第2847集「得放手時需放手」中，劇情充滿洋蔥，戲裡戲外均散發著濃濃的溫情與道別氛圍，引起大批網民熱烈討論。
當樹根看見若水懂得為這個家、為肚子裡的BB慳錢，感嘆問她何時變得懂事，若水溫柔地握著樹根的手，深情剖白，「你額頭慢慢慢慢愈嚟愈多皺紋嘅時候，我就慢慢慢慢識諗啦。爸，我知你錫我，但我大個啦，好多嘢你要讓我自己面對返。我知你養兒一百歲，常憂九十九，但其實唔應該㗎！爸，你辛苦咗咁耐，照顧咗我哋咁多年，是時候放手，讓我哋自己去跑去闖，你係時候享福啦。」
這幕最動人之處，是刻意採用了飾演童年若水的小演員與呂慧儀本人交替切換的鏡頭，寓意時光飛逝，觸動觀眾淚腺，特別是令不少屏幕前做父母的產生共鳴。
延伸閱讀：愛回家之開心速遞第2847集｜根叔懶叻闖出禍！龍鬚糖計劃落空？
《愛回家之開心速遞》鐵粉問答比賽﹕https://tvb.app.do/quiz_chl
戲外，飾演龔燁的張景淳亦感觸良多，特別在社交平台撰寫長文。
他首先呼籲大家要學會珍惜愛你的人，「無論係家人或愛你嘅人刻意做多咗，擾亂咗你原來嘅plan、做咗豬隊友… 定係純粹太多關心令做阿仔阿囡嘅覺得煩都好…搞到最後可能變咗有『額外的少少手尾』要替對方的過份關愛行為收拾…..雖然的確添了麻煩，but如果係pure嘅愛….喺解決問題後都要acknowledge返嘅。畢竟，人越大，真心愛自己關心自己嘅人會越嚟越難搵，或佢地雖然存在但彼此越嚟越難有時間/機會交集。因此見到面時，有愛的話真係要說出來，表現出來。係絕對Worth過程中不小心做多咗講多咗而帶來嘅少少麻煩的。」
他又表達面對劇集即將「畢業」的難捨之情，「btw臨近劇集拍攝最後最後的日子，我今天也經歷了一份很正能量的motivation，appreciate人與人之間以正能量和真心互相傳動的『加油』。希望（開心速遞）最後的日子裡面，我們也能給大家最好的能量，一齊和觀眾celebrate呢齣處境劇的畢業❤️」
