愛回家之開心速遞第2779集｜龍家風水大解構 原來一家好迷信？！

【愛回家之開心速遞第2779集】大堂雙龍轉

上班繁忙時段，接龍大堂人滿為患，僅一部升降機難以應付人流。風少(陳浚霆)提議興建新大堂，大龍生(羅樂林)因耗資龐大而否決。大小姐(林淑敏)嘲笑風少，還自言可說服大龍生，果然成功促成興建新大堂。大小姐看似贏得漂亮一仗，怎料發現大龍生贊成興建新大堂原來另有隱情，遂感不忿。應對流年情況，大小姐「眷顧」風少，設法為他催運擋煞，獲大龍生同意。風少苦不堪言，最終知悉大小姐真正用意。大小姐發現風少有所行動，懷疑他欲「搞破壞」令她行衰運，詎料……

繁忙上班時段　接龍大堂變「戰場」

故事一開始，就描寫接龍大堂喺上班繁忙時段人滿為患，成班員工迫爆唯一一部升降機，有人等唔切要跑樓梯，甚至有人受傷，場面亂過打仗。風少（陳浚霆）眼見問題日益嚴重，主動向爸爸大龍生（羅樂林）提出興建新大堂，增加升降機應付人流。

不過，大龍生一聽到工程費高達一億二千萬，即刻否決，認為分時段上班已經可以解決問題，根本無需要花咁多錢。

大小姐出手　三日說服大龍生

風少嘅提議被否決，大小姐（林淑敏）就喺一旁冷嘲熱諷，仲話自己只要「郁一郁腦」就可以説服爸爸。表面睇似係口出狂言，但大小姐實際早有部署，利用大龍生迷信風水同流年運勢，提出「赤馬紅羊劫」一說，指公司大堂狹窄會影響財運。

她更搬出風水師銀吊桶嘅意見，話只要喺北翼建新大堂、用落地玻璃大門，就可以「通財路、解大煞」，一舉兩得。結果，大龍生果然一口答應，令大小姐成功「贏咗一仗」，仲贏得全公司同事嘅掌聲。

表面勝利　背後原來另有內情

正當大小姐春風得意之際，卻意外發現原來大龍生應承興建新大堂，真正原因並唔係因為佢，而係因為風少屬羊、即將犯太歲，大龍生只係想藉機幫細仔改運避劫。

得知真相後，大小姐即刻心有不甘，覺得自己只係被「順水推舟」利用，並非真正被認同，內心嘅妒忌同不滿隨即爆發。

「為你好」之名　風少苦不堪言

為咗「應對流年、催運擋煞」，大小姐表面上「好心」眷顧風少，安排一連串風水佈局：包括喺辦公室放大型水車、指定鐵手做人肉「生樁」鎮守漏財位，搞到風少連工作都無法專心，苦不堪言。

風少起初完全唔明點解會被如此針對，直至慢慢察覺大小姐真正用意，其實係因為妒忌爸爸偏心，同時藉風水之名發洩不滿。

誤會再升級　兄妹關係再度緊張

事件愈演愈烈，大小姐更懷疑風少想「搞破壞」，偷走佢嘅平安符，令佢行衰運，雙方誤會不斷加深。直到最後，大龍生出面解釋，揭開一切原來都係出於父母對子女嘅關心，誤會先稍為釋除。

不過，大小姐同風少之間嘅芥蒂，似乎並未完全消失，為之後劇情埋下伏線。