/public/tvbcom/article/images/202610/0329a15c-4dd2-4c00-b509-380be30d2b16.jpg)
《愛·回家之三代同糖》昨晚（14日）播出一集講到唱歌節目《當年好聲音》正式展開序幕，嘉冰偕同唐芯（李茵彤 飾）到電視台拍攝MV，意外發現暫居榜首的「人氣王」MOMO（邱芷微 飾）態度極度囂張，拍攝期間更暗中向嘉冰「使陰招」暗中踢腳搶鏡，陰險招數不斷。
延伸閱讀：愛回家之三代同糖｜樊亦敏歐瑞偉正式入組 車婉婉領軍歡迎熱鬧開工相曝光
拍攝結束後，唐芯帶嘉冰找 MOMO 質問，豈料反被 MOMO 狂窒：「我喺海選嘅時候已經睇你唔順眼，一個師奶憑咩贏？憑你個女係公關名人？唔通靠班Fans？有咩？行出街都冇人識啦！」
事後嘉冰出席記者會，原本心情低落的她，獲得唐芯率領親友組成粉絲團「冰糖葫蘆」驚喜到場高舉燈牌打氣！面對家人的無條件支持，嘉冰當場含淚表示：「支持我嘅我屋企人同我好朋友，中間嗰個，係我天字第一號粉絲。」唐芯亦激動回應：「佢唔單止係我 Grandma，佢仲係我嘅人生導師，係佢有勇氣參加今次嘅比賽，先至話俾我聽，原來追夢係無分年紀嘅！」場面溫馨又催淚。
今次在劇中與車婉婉鬥餐飽的邱芷微，昔日在《愛·回家之開心速遞》飾演「賈名媛」深入民心，今次再演「雙面人」可謂駕輕就熟。不過邱芷微就指自己其實是「有備而戰」：「我係將自己之前參加過《中音》嘅真實心態注入 Momo 身上，所以先會顯得更有戰鬥格！」她續指：「離開一個熟悉嘅環境，其實就係想將自己放喺更廣闊嘅舞台。所以呢段時間我對再拍劇嘅心態好純粹，期待遇到一個有發揮、有溫度嘅好角色。」
今次首次與車婉婉合作劇集，邱芷微大讚對方私底下超有親和力：「從前睇佢做《皆大歡喜》嘅『萬貴妃』已經覺得佢好有喜感！雖然近年睇慣佢做《中音》主持好正經，但原來私底下依然係咁玩得，所以才能呈現螢幕前大家睇到咁好有火花！」
而且，劇組特別安排了錄歌與排舞，讓熱愛音樂的邱芷微大呼過癮：「仲有幸唱到前公司大師兄胡渭康嘅經典金曲《伴我啟航》，感覺好似將自己嘅歌手經歷重新呈現畀觀眾。希望大家唔止記得我係『賈名媛』同『Momo』，仲會記得我邱芷微，本身都係一個歌手。」
/public/tvbcom/article/images/202610/42763928-1863-4373-bdd3-c2a5e84aaeaf.jpg)
