愛回家之三代同糖｜首播！車婉婉分享花絮照 爆為趕進度拍足成個月冇得唞 感恩已完成20集內容

車婉婉透露，自己於一個月前（7月8日）正式進入拍攝工作。為了能趕及在8月10日如期首播，整個團隊在這一個月內日以繼夜地全力趕拍，「我哋團隊真係非常努力，一日都無休息過，到今日首播我哋都已經拍好大概20集。」

她續指：「大家都十分之投入，每日都盡能力把戲拍好，其中我哋都會病倒，但係都用超能力頂住，完成工作，值得鼓勵加獎！仲有拍攝機燈組、梳、化、服所有同事的用心⋯⋯好團結呀！」

從車婉婉分享的幕後花絮照中可見，劇組氣氛十分融洽，她呼籲觀眾能給這麼優秀的團隊一些支持：「今日，係新處景劇《三代同糖》嘅起點，呢一個月呢一班人一齊咁顛、日以繼夜咁Non-Stop為咗乜嘢？真係為咗做好呢件事，想帶點暖意、帶點甜比觀眾。大家可以喜歡或不喜歡，但係都可以考慮比個機會睇吓我哋搞乜。」