:quality(80)/public/tvbcom/article/images/202610/10b8d522-f9ce-4f8d-b6e4-e5ed7a2eb278.jpg)
《愛·回家之三代同糖》今晚（27日）最大焦點莫過於嘉冰(車婉婉飾）復刻自己在《皆大歡喜》中的超經典角色「萬貴妃」，瞬間勾起無數觀眾與網民的集體回憶！
延伸閱讀：三代同糖｜樊亦敏坐直升機華麗登場 公開幕後花絮大晒仙氣
愛回家之三代同糖｜KC歐瑞偉與Terry李偉健再合體！網民睇回顧片眼濕濕：有Terry的地方就有KC
:quality(80)/public/tvbcom/article/images/202610/ab5d7ce4-72a5-4be7-b558-df1c4346f738.png)
講到龔喜（樊亦敏飾）與冰冰相遇後迅速成為「孖公仔」。向來正能量爆燈的龔喜，見好姊妹冰冰終日愁眉苦臉，決定帶她尋歡樂、重拾笑容。
兩人特別換上古裝扮相，龔喜化身美麗嫦娥，而冰冰則身穿當年《皆大歡喜》萬貴妃的經典宮廷服登場。冰冰即場重現當年經典對白：「你哋一個二個係咪想激死本宮？同我拉佢出去斬！」雖然只是短短一幕，隨即引發全網熱烈討論。
+3
談到相隔 20 多年後再度穿上萬貴妃的服裝，車婉婉接受 tvb.com 獨家訪問時直言昔日拍攝《皆大歡喜》的點滴回憶湧上心頭，「我真係冇諗過感受咁大，初時收到劇本見到『嫦娥遇上萬貴妃』，以為只係類似嘅古裝衫同頭飾，真係完全冇諗過劇組會去搵返當年萬貴妃嗰件衫出嚟，當時真係好驚訝！」
婉婉透露這套服裝20多年來原來只有她一個人穿過，「因為每件戲服裏面都有 mark number、演員名字同劇名，成套裝束叫『T1』。如果中間有人穿過，就會寫上另一套劇同演員名。當我發現呢 20 幾年來都冇其他人着過，嗰日見到『T1』呢兩個字真係好感動。同埋我好記得呢套係我入宮見皇上第一套着嘅萬貴妃嘅衫，所以再着拍攝時，真係好有感受同情緒。」
提到她與樊亦敏繼《大醬園》後再度合作，婉婉直言與對方戲裏戲外老友鬼鬼，「嗰時合作咗好4、5個月，大家建立晒默契，所以知道佢加入我哋《三代同糖》真係好開心同期待，睇下我哋咁多年之後再聚，會撞到啲咩火花畀觀眾。」
