愛回家之三代同糖｜樊亦敏歐瑞偉首登場造型百變 KC Terry再度合體默契依舊：完全唔需要夾

樊亦敏今次飾演的龔喜，是唐曹嘉冰（車婉婉飾）的中學同學兼新鄰居。她接受 tvb.com 獨家訪問時笑言角色充滿正能量，背後亦有一段啟發人心的小故事：「我以前都係個唔開心嘅人，但經歷咗一啲事之後，明白到做人最緊要活得開心，所以今次我會不斷鼓勵冰冰要正面，仲會拉埋佢周圍去玩、唱歌跳舞。」

除了性格吸引，龔喜的造型更是全劇亮點之一！為了凸顯角色活潑搞笑的一面，樊亦敏在劇中換上多套震撼眼球的服飾包括鮮橙色「監獄風」睡衣、極具視覺衝擊的撞色運動衫、野性十足的「豹紋配長Boot」，甚至連古裝嫦娥 Look 都有，造型極度盞鬼。

而歐瑞偉飾演的朱基 KC受訪時指會常在樊亦敏身邊，他透露二人在劇中有特別的關係，更會一人化身多個身份：「大家會見到我變身裝修工人、保安、茶餐廳侍應、速遞員甚至小販等，總之會經常出現喺樊亦敏身邊出現。」

歐瑞偉與老拍檔 Terry 曹嘉驄（李偉健飾）的再續前緣亦是重頭戲。歐瑞偉透露兩人在劇中有一種似曾相識的微妙感：「大家只要講一句說話，對方就會即刻 Get 到！」談到多年合作的默契，歐瑞偉信心十足地表示：「大家合作咗咁耐，一埋位就已經知道對方想要咩效果，完全唔需要夾。」