愛回家之三代同糖|林淑敏許家傑合體「回家」引爆期待 一改鮮艷造型保留經典招牌動作 掀網民回憶殺

點讚

分享

 

深受觀眾喜愛的螢幕最佳拍檔林淑敏與許家傑,將會再度合體亮相處境劇《愛·回家之三代同糖》,今次二人一改深入民心的「大小姐」與「送水輝」形象,改以全新角色「戴嘉婷」與「宋銳威」的身份正式「回家」,消息一出即引爆劇迷熱烈期待!

延伸閱讀:愛回家之三代同糖|Terry李偉健對何依婷動心!霸氣搶走「圓妃娘娘」宣示主權 網民盼聰圓CP修正果


為打響頭炮,tvb.com 獨家釋出二人拍攝的最新短片!片中可見林淑敏一改昔日「大小姐」的經典髮型及顏色鮮艷奪目的衣著風格,梳起一頭俐落大側分無劉海直長髮 Look,配搭深色西裝套裝,造型俐落幹練;身旁的許家傑則戴上眼鏡斯文亮相,全新造型令人耳目一新。

雖然今次以全新角色與觀眾見面,但片中林淑敏依然保留了令觀眾最懷念的「大小姐」神髓,不但激動大罵經典金句「豈有此理」,更重現招牌動作「篤魂精」,相信定必令大批觀眾大呼「回憶返晒嚟」。

談到再度與老拍檔許家傑合作,林淑敏接受 tvb.com 獨家訪問時直言二人早已建立無可取代的絕佳默契,更笑爆金句:「佢趷下條尾,我都知佢想點!」

淑敏大讚家傑是令自己極具安全感的好對手:「佢私下對我嘅要求係好嚴格,但佢喺我身邊我會好放心,因為只要我有做得唔好或者要改善嘅地方,佢都會第一時間話我知,大家會一齊傾點樣可以做得更好,所以佢係令我好有安全感嘅對手。」她亦預告新角色會帶給觀眾「似曾相識」的親切感:「今次係全新處境劇同全新角色,希望令觀眾有似曾相識嘅感覺,所以劇入面都會保留大家鍾意嘅元素,希望大家睇得開心!」

至於以全新眼鏡造型示人的許家傑,受訪時亦透露今次無論在造型及演繹上都刻意作出轉變:「因為之前『送水輝』同『大小姐』嘅形象實在太根深蒂固,劇組今次雖然想保留少少大家熟悉嘅影子,但喺造型同演繹上都好想帶出一個新角度畀觀眾,希望大家睇到我哋唔同嘅一面。」

 
 
登入

本服務使用 Cookies

本服務採用 Cookies 以保持其可靠性,促致個人化內容和廣告。 請按「同意」代表閣下同意我們的 Cookies 政策 以及 個人資料收集聲明 。